Mynta ka sngi khang khyrdep ka KSU 8 tylli ki dukan ha Balat bym don Trading License

Shillong, Iaiong 08: Mynta ka sngi ka KSU  hapoh ka jingialam jong u samla Bonsen Snaitang,  President KSU Balat Border Unit lem bad ki dkhot jongka KSU Ranikor Circle ki la hiar ha iew Balat ban khynra Trading License ia baroh ki dukan bar jylla namar ka jingartatien halor ka khaii pateng jongki.

Ka seng ha kane ka sngi ka la ioh ban khang Khyrdep haduh 8 tylli ki dukan ki bym biang haka Trading License bad ngi la lap ruh ba ar tylli ki dukan lei ki dei kiba ki nongshong dukan kim don wat ki kot ki sla ban pynshisha ialade haba ki la shu kam ba ki dei na Bihar bad West Bengal.
Ka KSU kala lap ruh ba ka don ka jingiaid lait da ki bar jylla iaki Kyndon jongka United Khasi – Jaintia Hills District ( Trading by Non Tribals)  Rules,  1959 kaba dei ka ain jongka District Council ha kaba don napdeng ki dukan kiba ka Trading License jongki ka la kut naduh u snem 2015 , 2017 bad wat naduh u snem 2012.

Kane ka pyni ba kine ki bar jylla ki la shim kabu pynban bad nud ruh ban iaid lait iaka District Council.  Ka seng ka la lap ruh ba don napdeng ki dukan bar jylla kiba iaka Trading License la ai ha kawei pat ka jaka phewse ki wan buh dukan ha iew Balat. Kane ka pyni ba ki la pynkhein ia kane ka ain jongka District Council.
Kane ka dang dei ka jingsdang jongka KSU mynta ka kynti ban khynra khnang ba kan nym don kano kano ka jingwan khaii pateng haka Thain Border jongka South West Khasi Hills District bad kiwei kiwei ki jaka ba hap hapoh ka Mawsynram Block.

Ka seng shen kan sa leit ban iakynduh ia bah Paul Lyngdoh, EM  Incharge Trade jongka KHADC ban rah iaka mat khaii pateng hapoh ka Thain bad ka District.  La kyntu iaka EC ba thymmai jongka District Council ban shim khia halor kane ka mat bad ban pynthikna ba ka khaii pateng jong ki bar jylla ba ioh License ka dei ban long beit thik tang iaki tiar ne ki mar ba ki la ioh jingbit namar haka jinglap ka seng ba watla ka Council ka ai jingbit ban khaii iaki Markhlaw hynrei phewse ki khaii pat da ki marbam kiba ngi sngew ba ka dei ka jingpynkhein iaka Rules jongka District Council.

Ka KSU ka dawa ruh naka EC ba thymmai jongka District Council ban da peit bniah ba kan nym don ka jingshim kabu iaka license ba ki ioh namar bunsien haba ki Don ka license ban khaii ha kawei ka jaka ki wan ban khaii pat ha kawei pat ka jaka.  Ym tang katta,  ngi kyntu ruh ia u EM ba u dei ban peit bniah bad buh ruh da u pud iaka jingai Trading License khnang ba kan nym ktah than iaka khaii pateng jongki trai ri trai muluk.
Ka seng nalor ban iakynduh ia u E.M  kan sa pynbeit biang ban khynra ha kiwei pat ki jaka jongka South West Khasi Hills District bad Mawsynram Block. Kane ka long ka kyrwoh na u samla Forwardman Nongrem,  President KSU South West Khasi Hills District bad u samla Bonsen Snaitang,  President KSU Balat Border Unit.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet