Shillong, Nohprah 20: U Director ka tnad ka koit ka khiah jong ka jylla u Dr Aman War mynta ka sngi u la pyntip ba la don sa u wei u ba khlad na kane ka jingpang COVID-19 ha West Garo Hills District bad da ka jingkhlad noh sa u wei mynta ka sngi ka jingiap jong ki briew kala kiew sha ka 134 ngut ha ka jylla. U ba khlad mynta ka sngi la tip kyrteng kum u Apurba D Sangma 54 snem na ka shnong Jatrakhona.
U Director u la pyntip ruh ba kiba la test COVID-19 positive mynta ka sngi ki long 32 ngut, na kine ha East Khasi Hills 28 ngut, West Garo Hills 3 bad ha Ri Bhoi 1, baroh kiba dang shitom mynta ha ka jylla ki long 499 ngut.
Kiba la ioh pat ia ka jingkoit mynta ka sngi ki long 89 ngut, na kine East Khasi Hills 64, West Garo Hills 7, Ri Bhoi 6, South West Garo Hills 5, East Jaintia Hills 4, South West Khasi Hills 2, East Garo Hills 1, baroh kiba la ioh ia ka jingkoit ki long 12620 ngut.
