Shillong, Iaiong 01: Mynta ka sngi kiba la test COVID-19 positive ki don 3 ngut, na East Jaintia Hills 1, East Khasi Hills 1, North Garo Hills 1, kiba dang shitom baroh ha ka jylla na kane ka jingpang ki don 19 ngut, kiba don ha Hospital ki dang shah sumar ki don 3 ngut.
Kiba la koit na kane ka jingpang ki don 7 ngut, na East Garo Hills 1, na East Jaintia Hills 3, South West Garo Hills 1, South West Khasi Hills 1, West Jaintia Hills 1, kiba la ioh ia ka jingkoit na kane ka jingpang haduh mynta ki long 92153 ngut.
Ka jylla Meghalaya naduh ba sdang kane ka khlam COVID-19 positive haduh mynta ka jingkhlad jong ki briew baroh ki long 1593 ngut haduh mynta ka sngi, na ka liang jong ka sorkar kala shim bun ki lat ki lynti ban iarap ia ki paidbah haba ia dei bad kiba shitom na kane ka jingpang.
