Shillong, Natiung 14: U Director ka tnad ka koit ka khiah jong ka sorkar jylla u la iathuh ba mynta ka sngi kiba la test COVID-19 Positive ki long lai ngut bad kine ki dei kiba wan phai na sha bar. Kiba dang don ha pdeng ka jingsumar haduh mynta ki long 270 ngut.
La iathuh ba ha East Khasi Hills ki don 236 ngut, tang ki shipai BSF ki don 179 ngut, na ki tnad shipai ki don 5 ngut, bad kiwei ki riew paidbah ki long 52 ngut. Ha Ri Bhoi ki don 19 ngut, East Jiantia Hills 2 ngut, West Garo Hills 9 ngut, South Garo Hills 2 ngut, East Garo Hills 1, North Garo Hills 1. Kiba la koit haduh mynta ki long 46 ngut.
Haduh mynta la shim nongmuna 24817 ngut, kiba la test Negative ki long 24199 ngut bad ka result kiba dang ap ki long 300 tylli. Kiba la wan phai sha ka jylla haduh mynta ki long 21837 ngut.
Laiathuh ba ka jingtest ia ki briew ha khappud bad ka Guwahati ha ki thain Khanapara la jan dep dei na kane ka jingleh ia ka test ba sa ioh haduh 20 ngut ha Ri Bhoi ha kaba u wei u la koit bad sah mynta sa 19 ngut.
