Mynta ka sngi klang kynsan ka ding na nala ha Stand Jeep jaka ieng Taxi Mawprem

Shillong, Iaiong 08: Mynta ka sngi ha ka por kumba 10.45 baje mynstep ka ding kala klang kynsan ha nala ha Stand Jeep jaka ieng Taxi kamai ba leit sha Mawprem, hynrei da ka jingkloi jong kiba shnong dukan ban pynlip ia ka ding katei ka jaka kala lait na ka jingjulor.

Haba kren ha u SP News Agency, kiba shong dukan ha katei ka jaka la ong ba la don u wei u briew ba theh ia ka kynja um na ka tin bad da la dep theh u leit bad mar kumta ka ding kala klang kynsan na katei ka nala.

Haba iohi ia kane ka jingklang ka dieng kiba shong dukan kila sei ia ki “Fire Extinguisher” bad synreit ia ka ding ba klang bad kane kala lah ban pynlait ia katei ka jaka na ka jingjulor, ka jingsma kaba mih na kane ka jingtehh ia kata ka kynja um ka long kum ka thiner ba pyndon kam ha ka jingsiat rong.

Haba ia dei bad kane ka jingjia ki pulit na Lumdingjri Police Station kila wan sha katei ka jaka ban wan jurip ban tohkit ba kumno kane ka dieng kala klang ha katei ka jaka ha dien ba la don ba theh ia ka kynja um na ka tin ha katei ka nala.

Namar ka jingjur palat ka jingsma kaba mih na kata ka jingtheh um la khot ia ki kali pynlip ding ban synreit um ha katei ka jaka ban pynkhuid bad ka jingthoh kit ki pulit ha kaba ia dei bad kane ka jingkem ding ka nala ka dan iaid.

 

What Next?

Recent Articles

Leave a Reply

Submit Comment

*