Shillong, Jymmang 26: Ka elekshon ban jied ia u nongmih khmat sha ka iing dorbar thawain ka jylla na ka 53-Ampati Konstitwensi kan long ha ka sngi nyngkong ha kaba ki polling ophisar kila sdang ban leit sha ki jaka thep but na duh mynta ka sngi bad kiba sah kin leit la shai ka sngi.
Kine ki polling ophisar kiba la leit mynta ka sngi ka long ba ki jaka thep but ki long kiba jngai bha bad ki jaka thep but kiba jngai ki don 21 tylli. Kiba sah 18 tylli ki jaka thep vote ki ophisar kin leit la shai ka sngi. Baroh ki jaka thep vote hapoh jong ka Ampati Konstitwensi ki don 31 tylli.
Na ki 31 tylli ki jaka thep but, na ka liang jong ki bor ba pyniaid ia ka elekshon kila ioh jingtip ba 6 tylli ki don ha pdeng ka jingma ha kaba ka lah ban mih kano kano ka jingia kynad bad kine ki shnong ki long ha khappud bad ki jaka ba dang long nongkyndong bha.
