Mynta ka sngi la pyndon burom ia ki shipai ba la shongthiat ha 58-GTC, Happy Valley

Shillong, Kyllalyngkot 14: Mynta ka sngi la pynlong ia ka jingleh burom ha ka sien kaba lai ia ki shipai kiba la shongthiat kiba dei ha kane ka jylla Meghalaya, baroh ki shipai kiba la ia poi ha kane ka jingleh burom ki long 400 ngut.

Ha kane ka jingleh burom la ia kren ruh kumno ban pynbeit ia ki jingeh jong ki kurim jong kito ki shipai kiba la aiti iala ka jingim namar ka Ri ha kaba ia dei bad ka bai bam tynmen ka jong ki bad kum juh ki jingsumar ha kaba ia dei bad ka koit ka khiah jong ki kurim jong ki shipai ba la aiti ia la ka jingim namar ka Ri.

Ban rakhe ia kane ka sngi la wan ia shim bynta da u Field Marshall General ba nyngkong  u ba la shong thiat na ka kam u KM Cariappa, kane ka long ka sien kaba nyngkong ba ka kynhun shipai jong ka Ri India kala leh burom ia kane ka sngi “Veteran’s Day” ha ka 14th Kyllalyngkot jong u snem 2015.

Ia kane ka sngi la sdang ban rakhe da ka jingbuh syntiew ha u mot ba la shna kyrpang na ka bynta ki shipai kiba la aiti ia la ka jingim namar ka Ri ha 58-Gorkha Training Centre, kiba la buh syntiew lang ha kane ka sngi ki long da u kpa jong u Capt Clifford Nongrum, Maha Vir Chakra bad Major David Manlun, Kirti Chakra bam kwai ha dwar u blei.

U  Major General PK Saini, u khlieh hsipai jong ka HQ 101 Area ryngkat ba ki heh shipai Commandants jong ka 58 Gorkha Training Centre bad Assam Regimental Centre ruh kila buh syntiewlang ban burom ia ki shipai kiba la aiti ia la ka jingim namar ka Ri.

What Next?

Recent Articles

Leave a Reply

Submit Comment

*