Shillong, Lber 13: Ka Khasi Students Union Sengkmie mynta ka sngi ka la lah ban pynkha thymmai sa kawei ka tnad treikam ka jong ka hapoh ka shnong Sohkymphor East Jaintia Hills District iakaba la tip kum ka KSU Sohkymphor Unit.
Ha kane ka sngi la pyniaid iaka jingialang da u Samla Shaniah Shkem Dkhar Asst Finance Secy KSU JHDU katba u samla Donald V Thabah General Secretary ka KSU Sengkmie pat ula shim iaka bynta ban pyntian smai iaki dkhot ba thymmai.
Haba ai jingkren haka jingialang, u Samla Donald V Thabah ula ong ba ka iaka KSU la suit la shor naka bynta ban peit iaka jingeh ki samla pule hapoh ka Bri U Hynniewtrep, Hynrei hadien ba la iohi iaka jingshah tynjuhbor ka Jaitbynriew haki ba bun ki liang kumta ka Seng ka la Ieng rangbah ban ialeh naka bynta ban pynneh pynsah bad bad iada iaka Ri Bad ka Jaitbynriew Khasi.
“Kat shaba phai mynta , ka Jaitbynriew jong ngi la dap satang ki jjngshah iuhroit haki wei pat ki Jaitbynriew, lada ngi phai sha ki thain Block 1, Langpih, Sabuda bad Wat shaki Thain Khappud Bangladesh ruh” la ong u samka Donald Thabah.
Ula kyntu ruh iaki dkhot kiba thymmai ban long kiba la khreh ialade namar ba ymlah ban tip ba ioh lehse yn sa mih shibun bah ki jingialeh haki sngi kiban sa wan naka bynta ban pyneh rngiew iaka Jaitbynriew.
Kiwei pat kiba ai jingkren hakatei ka sngi ki long u samla Cherity D Suja General Secretary KSU JHDU, Samla Rueben Najiar Asst Education Secretary KSU Sengkmie, bad Samla A. Nongkynrih Asst General Secretary KSU Sengkmie.
Ki dkhot kiba la pynshkem hakatei ka sngi ki long U Samla Rimi Lyngdoh kum u President, Samla Berley Suchiang kum u Vice President, Dolystar Lyngdoh General Secretary, Ioh Lapasam Asst General Secretary, Imidaoo Lyngdoh Organising Secretary, Karlin Lyngdoh Publicity Secretary, Kampher Lyngdoh Finance Secy bad kumba 20 ngut eiei ki Member.
