Mynta ka sngi la pynkyntang Lyngoh ia 8 ngut ki Dikon, da u Arch Bishop Rev. Victor Lyngdoh

Shillong ,K. Lyngkot 16:“Namar kata ka kamram jong ki lyngdoh ka long ban ri ban sumar ia ki langbrot da ka mon sngewbha; Ym ka jingkwan myntoi shimet” pynsngew u Lyngdoh Sad Thymmai ka Jylla Niam Bah Shillong u Archbishop Victor Lyngdoh kum u kongsan ban pynmynta ia ka nguh ka dem Blei ha ka jingkyntang lyngdoh niam ia ki 8 ngut ki dikon kiba dei na ki shnat niam jong ka Jylla Bah Niam.

Ha katei ka jingkyntang lyngdoh ka Jylla Niam Bah Shillong ia kaba la pynlong ha Iing Mane Bah Cathedral Shillong myn ha ka 16 tarik u Kylla Lyngkot 2021 ia kaba la synran lang da u Diocesan Administrator ka Jylla Naim Bah Shillong u Sohblei John Madur bad ki ki lyngdoh baroh.

Kane ka jingkyntang lyngdoh ka Jylla Niam Bah Shillong mynta u snem ka long kaba duna bha ia kaba ym lah ban khot ban wer paidbah ia ki paid u Blei na baroh ki shnat niam ka long ban bud ryntih i aka kyndon ba la buh ka sorkar ym lah ban lum paidbah kham bun namar ka jingpang Khlam. Kumta ka Jylla Niam Bah Shillong ka la buh ka la kyntu tang ia ki bahaiing bahasem kiba iajan jong kito lyngdoh thymmai.

Na ka liang ka Jylla Niam bah Shillong ha ka jingialam jong u Sohblei John Madur Diocesan Administrator ka jingkyntang lyngdoh ka long kaba jar jar ia kaba ki lyngdoh thymmai ki la kloi ban iatrei lang bad ka Jylla niam.

Haba bynrap ia katei ka jingkyntang lyngdoh u Diosesan Administrator u Sohblei John Madur u la lamphang badf pdiang sngewbha ia u Archbishop Victor lyngdoh u ban sa wan shimti noh kum u Khliehduh ka Jylla Niam Bah Shillong.

Ha ka jingkyntang lyngdoh thymmai ia ki 8 ngut ki dikon la wan ialam ban aiti sha ka duwan da ki kmie ki kpa ki bahaiing bahasem jong kitei ki dikon sha ka Balang ha kaba u Archbishop Victor Lyngdoh kum u Lyngdoh Sad Rangbahduh u da kylli da pyrthew ia kitei dikon la ki long ne em kiba la kloi ban im ban kohnguh kat kum ka jinghikai jong ka Balang da kaba Imduk Imsuk bad ban long sotti haduh kaba kut jong ka jingim jong ki.

U Archbishop Victor Lyngdoh D.D. ha ka sneng ka kraw u la pynsngew ba ka jinglong lyngdoh ka dei ka kam ban bsa ia ,ki paid “Namar kata ka kamram jong ki lyngdoh” ka long ban ri ban sumar ia ki langbrot da ka mon sngewbha Ym ka jingkwan myntoi shimet” Ka Jingkhot barabor jong u Blei ka dei na bynta ka kam Mishon bad ka mishon jong u Trai ka long kaba iar ym lah ban ioh bad kot.

Ka kam ki lyngdoh ka long “Ban ieng sakhi ia ka jingieid jong u Blei ha ka jingshakri ban ialap ha ki kam pynroi i aka jingngeit ki dei ki kyntien jong u Jisu. Ban long lyngdoh kam dei ka suk hynrei kaba khia thew ha ka ban long sngewrit ha la ka mynsiem ban shakri ia ki wei.

Shuh shuh u Archbishop Victor Lyngdoh haba pynkut ia ka sneng ka kraw ia ki lyngdoh thymmai u la ai ka jingkyntu ia ,kine ki dikon 8 ngut ban don ka mynsiem iaineh ban iai pyrthuh bud ia ki kam jong u Khrist katkum ka jinghikai jong ki.

Kumba ban shu pynkynmaw ba Jylla Bah Niam Shillong Bah hadien ka jingkhlad noh jong u Archbishop Dominic Jala ka la sah khlem Lyngdoh Sad la shisnem kynthih kat haduh ka jingdap snem jong u, Archbishop Jala katba ia ka jingkyntang lyngdoh la leh da u Bishop Victor Lyngdoh jong ka Jylla Niam Jowai bad mynta la kyntiew noh kum u Archbishop Thymmai da ka jingpynbna paidbah da ka Vatican.

Kine ki lyngdoh thymmai kiba la dep kyntang ki long u Sohblei Maria Shibu, bad Naveen Bunga, CMF na ka Jingiasyllok CMF ( congregation of the “Sons of the Immaculate Heart of the Blessed Virgin Mary); u Sohblei Elvis Kharkongor, bad Sohblei Andreas Syngkli , na ka jingiasyllok MSFS (Congregation of the -Missionaries of St. Francis de Sales); Sohblei Philmon Indwar, na ka Jingiasyllok Missionaries of Charity Fathers, Sohblei Sylvanus Lyngdoh, na ka Jingiasyllok SDB (Salesians of Don Bosco) u Sohblei Basil Wahlang Soihblei Staibok Warjri, ki lyngdoh Trai Jylla ne (Diocesan Priest of the Shillong Archdiocese).

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet