Shillong, Jymmang 15: U Secretary jong ka Hima Nongspung u bah Michael Warjri ba la shah kem ha ki pulit jong ka jylla Assam ha dien ba ka iing jong u ha New Balakhawa kala shah pynpra ha ki riew sniew ka iing bishar ka Assam da kaba bah jamin.
Ka Deputy Commissioner jong ka Ri Bhoi District ka kong R M Kurbah kala iathuh ha u SP News Agency ba ia u Bah Michael Warjri la pynlait jamin na Assam mynta ka sngi, kane ka long katkum ka jingpynthikna na ka liang jong ki bor ka District Administration jong ka Ri Bhoi District.
Lah ban pynkynmaw ba ia u Bah Michael Warjri la kem da ki pulit jong ka jylla Assam na iing jong u ha New Balakhawa ha dien ba ki paidbhur kila pynjulor ia ka iingsah jong u haduh ba kan da jot thiaw ha ka 7 tarik mynta u bnai.
