Mynta ka sngi la tep don burom ia ki 5 ngut ba khlad na ka jingsyllad ka trok ha Thangshalai

Shillong, Risaw 18: Ha pdeng ka jingsngewsih kthang mynta ka sngi ka shnong Thangshalai kala pyndep ban dep don burom ia ki san ngut ki briew kiba la duh ei ia la ka jingim ha ka jingsyllad ka trok ha jingkieng Umkhen ha katei ka shnong mynnin ka sngi Saitjain.

U Rangbah shnong ka shnong Thangshalai u la iathuh ba mynta ka sngi la tep don burom ia baroh san ngut mynta ka sngi, ka kong Balarihun Kharkongor 27 snem, Kong Gracefully Nongbri 23 snem, ka samla Banteibha Bina 20 snem, kong Shantilang Nongbri 28 snem bad u Korbarsing Kharduid 52 snem.

Na ka liang jong ki pulit ka Mawryngkeng kila iathuh la dep ban register ejahar pyrshah ia katei ka kali kaba don ia u number UP51 AT 2949, mynta ki dang wat ia u trai kali ban ioh ia ka kyrteng jong u nongniah bad ka jingwat ka dang iaid sha khmat mynta.

What Next?

Recent Articles

Leave a Reply

Submit Comment

*