Mynta ka sngi la test COVID-19 positive 17 ngut, 14 ki riew paidbah 3 ngut ki shipai BSF

Shillong, Nailar 8: U Director ka tnad ka koit ka khiah u Dr Aman War mynta ka sngi u la iathuh, kiba la test COVID-19 Positive ki long 17 ngut, na kine 14 ngut ha East Khasi Hills 12 ngut, North garo Hills 2 ngut  ki dei ki riew paidbah bad 3 ngut West Garo Hills ki dei ki shipai BSF.

Haba batai ia kine kiba la test COVID-19 na ki riew paidbah mynta ka sngi, na ki 12 ngut ki riew paidbah ha East Khasi District, 4 ngut ki dei kiba don jingiadei ba jan bad u ba shitom COVID-19 bad 7 ngut kiwei ki dei kiba trei hapoh jong ka R.P Chest Hospital. West Garo Hills baroh 3 dei ki BSF katba ha North garo Hills 1 nongtrei ka tnad ka koit ka khiah bad iwei dei ba wan phai.

Haba ia dei bad kane ka tand ka koit ka khiah kan dang hap ban wat bniah mynta ban lap na ei kane ka jingpang ka ioh ban rung ha katei ka jaka sumar jong ka sorkar, hato ka dei na poh ka hospital ne kane ka jingpang ka ioh rung sha kane ka jaka na sha bar.

La iathuh ba haduh mynta ka sngi kiba shitom COVID-19 ha ka jylla ki long 594 ngut, ha East Khasi hills 453 ngut, 142 ngut dei ki BSF, 245 ngut ki riew paidbah bad ki kynhuns hipai ki long 66 ngut.

Ha kiwei ki District, West Khasi Hills 6, Ri Bhoi District 65, West Jaitntia Hills 15, East Jaintia Hills 18, West Garo Hills 31, South West Garo Hills 2, South Garo Hills 2 bad North Garo Hills 2 .  kiba la koit haduh mynta pat ki long 423 ngut bad kiba la khlad ki long 6 ngut.

Ki Nongmuna kiba la shim haduh mynta ka sngi ki long 40700 ngut bad kiba la test Negative ki long 39294 bad ki resolt 383 tylli bad kiba la wan phai haduh mynta ki long 26,286 ngut. Kiba la koit mynta ka sngi ki long 12 ngut, saw na East Khasi Hills, 7 ngut na Ri Bhoi District bad 1 na West Jaintia Hills.

What Next?

Recent Articles

Leave a Reply

Submit Comment

*