Shillong, Risaw 17: U Director ka tnad ka koit ka khiah u Dr Aman War mynta ka sngi u la pyntip ba kiba la test COVID-19 Positive ki long 101, East Khasi Hills 56, West Khasi Hills 30, West Garo Hills 11, Ri Bhoi 2, South West Garo Hills 1, South West Khasi Hills 1, kiba dang shitom baroh ki long 2295 ngut.
Kiba la ioh ia ka jingkoit mynta ka sngi baroh ki long 298 ngut, East Khasi Hills 223 ngut, Ri Bhoi 55, West Garo Hills 18, East Jaintia Hills 1, West Jaintia Hills 1 bad kiba la koit haduh mynta baroh kila kot sha ka 6034 ngut.
Na kiba la test COVID-19 positive mynta ka sngi ha East Khasi Hills District 56 ngut ki dei kiba don ka jingiajan bad kiba shitom, ha West Khasi Hills 29 ngut ki dei ki pulit, ar ngut ki dei kiba trei ha ka tand ka koit ka khiah, wei ha West Garo Hills bad wei ha South West Khasi Hills District.
Kiba khlad naduh mynta ki long 75 ngut ha ka jylla baroh kawei haba shim ia ka jingkhlad jong ki briew na kane ka jingpang COVID-19 ha kane ka jylla ka long 0.90% haduh mynta ka sngi.
