Shillong, Naiwieng 25: U Director ka tnad ka koit ka khiah u Dr Aman War u la pyntip ba mynta ka sngi baroh kiba la test COVID-19 positive ha ka jylla ki long 59 ngut. East Khasi Hills 27, West Garo Hills 17, West Jaintia Hills 8, Ri Bhoi 4, East Jaintia Hills 1, South West Garo Hills 1 bad West Khasi Hills 1, kiba dang shitom baroh ki long 915 ngut.
La pyntip ruh kiba la koit mynta ka sngi ki long 37 ngut, East Khasi Hills 19, East Garo Hills 6, West Garo Hills 6, Ri Bhoi 4, South West Garo Hills 2, kiba la koit haduh mynta baroh ha ka jylla ki long 10488 ngut.
Na ka jingpyntip kaba la ai lyngba ka tnad ka koit ka khiah ka pyni ba bun na kiba shitom ki dei kiba don ka jingiadei kaba jan bad kiba don ia ka jingshitom bad ka jinglap ia kiba la don ia kane ka jingpang kala long ha kylleng ki bynta jong ka jylla baroh kawei.
