Mynta ka sngi la test COVID-19 positive 6 ngut, kiba shitom kila kiew sha ka 50 ngut:Hek

Shillong, Naitung 07: U Myntri ka tnad ka koit ka khiah u Bah AL Hek mynta ka sngi u la pyntip ba la test COVID-19 postive 6 ngut ki briew, san ngut na East Khasi Hills District bad u wei na Ri Bhoi District, kine baroh ki dei kiba la don ha ki jaka quarantine.

Haba kren ha ki lat pathai khubor mynta ka sngi la iathuh, kiba shitom katkum ki District ka long ba ka East Khasi Hills District ka don 29 ngut, Ri Bhoi District 15 ngut, South West Garo Hills ka don 2 ngut, West Garo Hills ka don 3 ngut bad ka East Jiantia Hills District u wei.

U myntri ka tnad ka koit ka khiah u la iathuh ba haduh mynta ka sngi tang ia ki shipai BSF la test haduh 865 ngut, na kitei 563 ngut ki long Negative, 23 ngut ki long positive bad ia ka reslot kaba dang ap ki long 281 ngut.

Haba shim ia ka jylla baroh kawei haduh mynta ka sngi la test haduh 21823 ngut, kiba long negative ki long 21414 ngut, bad ki dang ap ia ka result ki long 320 ngut, kiba shitom baroh ki long 50 ngut bad kiba la koit ki long 43 ngut haduh mynta.

What Next?

Recent Articles

Leave a Reply

Submit Comment

*