Shillong, Nohprah 10: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 positive ki long 75 ngut, East Khasi Hills 57, West Garo Hills 3, South Garo Hills 3, South West Khasi Hills 2, Ri Bhoi 1, South West Garo Hills 1, North Garo Hills 1 bad kiba dang shitom haduh mynta ki long 580 ngut.
La pyntip ruh kiba la ioh ia ka jingkoit mynta ka sngi ki long 28 ngut, East Khasi Hills 14, West Garo Hills 5, East Garo Hills 3, Ri Bhoi 2, South Garo Hills 2, South West Khasi Hills 2, kiba la ioh ia ka jingkoit haduh mynta baroh ki long 11883 ngut ha ka jylla.
U Director u la pyntip ruh ba mynta ka sngi la don u wei ba khlad na kane ka jingpang COVID-19 ha West Garo Hills District bad da ka jingkhlad jong u ne u briew mynta ka sngi ka jingiap ki briew ha ka jylla na kane ka jingpang kala kot sha ka 123 ngut.
Ba khlad mynta ka sngi la tip kyrteng kum u Purna Ram Das 68 snem na ka shnong Barengapara, Dalu jong ka West Garo Hills District.
