Mynta ka sngi la test COVID-19 Positive 8 ngut, 3 ka EKH, 5 ha Ri Bhoi District: Dr Aman

Shillong, Naitung 04: U Director ka tnad ka koit ka khiah u Dr Aman War mynta ka sngi u la iathuh ba phra ngut ki briew la test COVID-19 Positive hapoh ka jylla, lai ngut ki dei ha East Khasi hills District bad san ngut hapoh Ri Bhoi District.

Haba kren ha ki lat ptahai  khubor mynta ka jan miet, u la iathuh ba ha Khasi Hills District baroh lai ngut ki dei ki shipai BSF kiba don hapoh jong ka BOP ha Lyngkhat. Ka tnad ka koit ka khiah kala bthah ia ki BSF ba kimd ei ban ia khleh bad ki paidbah ha Lyngkhat.

La bthah ruh ia ki BSF ba shim nongmuna na baroh ki shipai kiba don hapoh ka tei ka BOP ban test ia ki ban lap ia ka koit ka khiah jong kito ki shipai kiba don ha kane ka BOP bad na ka liang jong ki BSF kila shim khia bha ia kane ka bynta.

Ki san ngut kiwei pat kiba la test COVID-19  Positive ki dei kiba na Ri Bhoi District, ar ngut kid ei kiba don ka jingiajan bad u ba trei ha Green Wood Resort, ar ngut ki dei ka 13 miles, ka wei kadei kaba trei hakawei na ki Call Cenre ha Guwahati, kawei ka dei ba ka leit ban shim dawai bad kawei kaba leit ban phah test hi.

U Dr Aman u la kyntu ia ki paidbah ba kim dei ban sngew syier namar ia baroh kiba la test COVID-19 positive la tip na ei kine ki briew ki ngat ia kane ka jingshitom, baroh kine mynta ki don ha ka jingsumar ia kiba na Ri Bhoi District la sumar ha St Paul Hospital Corona Care Centre.

Haba ia dei  bad ka jingshim nongmuna kyllum hapoh Khanapara mynta ka sngi baroh la lah ban shim 350 ngut ki briew bad ia kane ka leh da kaba leit na kawei ka iing sha kawei pat namar ka don ka korphiew ha katei ka jaka mynta ka sngi.

U Dr Aman u la iathuh ba haduh mynta ka sngi kiba long Active COVID-19 ki long 26 ngut, kiba la koit baroh ki long 42 ngut, ka jingdon jong ki active cases ha ka jylla ki long, East Khasi Hills 11 ngut, 10 ngut ki shynrang bad kawei ka kynthei, Ri Bhoi District 10 ngut, 6 ngut ki shynrang bad 4 ngut ki kynthei, South West Garo Hills District 2 ngut, East Jiantia Hills 1 bad West Garo Hills 2 ngut kine baroh ki dei ki shynrang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet