Mynta ka sngi la thaw ka HYC ia ka shnat trei kam hapoh jong ka skul bah NEHU

Shillong, Risaw 09: Ka Hynniewtrep Youths’ Council ka lah ioh ban pynkha ia ka tnat treikam jong ka ha ka skulbah NEHU mynta ka sngi ha ka jingialang ba lah pynlong ha NEHUSU Office hapoh kane ka skulbah.

La ia don ryngkat ha kane ka Jingialang pynskhem Nongkitkam jong ka HYC NEHU Unit da ki nongialam ka CEC naduh u General Secretary, Vice President, Asst Genl Secy, Organising Secy, Asst Organising Secy, ki CEC Mmembers bad ruh u President ka HYC Umsning Circle ha ryngkat ki dkhot na Mawlai Circle bad ki khynnah pule kane ka skulbah NEHU.

Ia kane ka jingialang lah pyniaid da u Samla Francis G. Mawlong, Organising Secy, CEC. Lah ioh jingkren Maitphang na u Vice President CEC Bah Donboklanglang Kharlyngdoh uba lah batai lyngkot ia ki Matti treikam jong ka Seng bad kumjuh ruh lah batai ia ki mat dawa bapher bapher kiba ka Seng ka ieng ban dawa na ka Sorkar.

La ioh ban pynskhem bad pyntiansmai ia ki nongkitkam ba pura jong ka HYC NEHU Unit da u General Secretary Bah Roy Kupar Synrem uba lah shim ruh ia ka bynta ban ai ia ki kyntien kyntu kynpham ia kine ki samla pule kane ka skulbah kiba lah wan ban pyniasoh ialade bad ka Seng.

Une nongialam u la pynpaw ia ka jingsngewkmen ban iohi ba kum ki samla kiba wan ban pule ha kane ka Skulbah ki don ia ka mynsiem ban shakri la ka Jaidbynriew lyngba ka Seng HYC bad u ngeit skhem ba lyngba jong ki kan nang pynshlur sa ia kiwei pat ki Para Samla ba kin nym riej ban mih shakhmat ban shakri la ka Jaidbynriew.

Na ka liang une u Nongialam u lah kyntu ia kine ki Samla ba kin trei shitom ban ia kit ia bah ia ki jingeh jong ki para ri kiba wan ban pule ha kane ka Skulbah bad ruh ban ia shim bynta ha ki mat dawa ki bapher bapher kiba ka Sengkmie ka shim ban ialeh na ka por sha ka por na ka bynta ban iada, ban pynneh pynsah bad ban kyntiew ia la ka Ri bad ka jaidbynriew Hynniewtrep.

U lah kitbok kitrwiang ruh ia baroh ki dkhot ba kin nang ia kiew ha ka pule puthi ka jong ki bad kyrmen ba kin poi sha ki kyrdan ba shajrong na ka bynta ban shakri ia ka Ri bad ka Jylla hi baroh kawei. Ha kane ka sngi la pynskhem ia u bah Iarapbhathik N. Shangrit kum u president ka HYC hapoh NEHU, bah Rapborlang Dkhar bad  bah Paiabaskhem Kshiar  kum ki vice President  bah Mandor Swer kum u general secretary lem bad 29 ngut kiwei ki nongkit kam.

 

 

What Next?

Recent Articles

Leave a Reply

Submit Comment

*