Mynta ka sngi La wanrah biang u bah HS Shylla ia ka KSCL Bill 2018 hapoh iing dorbar KHADC

Shillong, Risaw 25: U CEM jong ka KHADC u Bah HS Shylla mynta ka sngi u la wan rah biang ia ka Khasi Hills Autonomous District (Khasi Social Custom Of Lineage) (First Amendment )Bill 2018 ha ka sngi sdang jong ka dorbar ba kyrpang mynta ka sngi hapoh jong ka KHADC.

Haba wanrah biang ia kane ka Bill, mynta ka sngi hapoh ka iing dorbar na ka liang jong u CEM, u la batai ba ia ka amendment kaba nyngkong la leh ha u snem 2015 bad kane ka Bill kala sah kut khlem ioh ia ka jingmynjur jong u Lat bad kum juh ia ka Second Amendment 2018.

Halor kine ki ar tylli ki Bill ka KHADC kala pan noh na ka DC(A) bad ha dien ba la pynphai ka KHADC kala thung ia ka ‘Consultative Committee’ ha kaba u Bah Manstudy Nongrem u long u Chairman ban bishar bniah ia kane ka Bill ban peit ba kan long kaba bit ba biang bad na ka liang jong ka committee kala pyndep ia ka bad la aiti sha ka EC ha kaba la lah ban wanrah biang ia kane ka Bill mynta ka sngi hapoh kane ka iing dorbar jong ka KHADC.

Haba kren hapoh ka iing dorbar u CEM u la ong ba ia kane ka Bill la pynshongnongrim halor ka “Tip Kur Tip Kha” u la ong ba ia kane ka bynta ha kane ka nongbah Shillong ki briew kim da sngewthuh shuh, hynrei tang ha rud jong ka  sor Shillong ki paidbah Khasi ki dang bat bha ia kane ka “Tip Kur Tip Kha”.

U Bah Shylla u “La ong ba lada u kpa dei u Khasi ki khun dei ki khasi, lada u kpa um dei u khasi ki khun kim dei ki khasi, dei na kane ka daw ba sam don ka tang jaid, ban ai jaid kpa ka long kaba sang”.

Katkum kane ka Bill kaba la wanrah mynta ka sngi hapoh ka iing dorbar, ka long ba mano mano bym but ia ka riti dustur u khasi ha ka shnognkha  shongmna  kin duh noh ia ka jinglong khasi. Lada ki khun jong u kpa kiba shim jaid kpa kin duh nong ia ka jinglong khasi.

U Shynrang khasi  haba u ioh pat ia ka tang ka bym dei khasi u hap ban tangjaid. Ha kane ka Bill la pynrung kyrpang tang na ka bynta ki katto katne ki khasi kiba don ha Bhoi ban shah ia ka ‘Rongbia’ kaba mut ba lada don ka iing kaba la thikna ba kan duh jaid la shah tang u wei na ka iing ban leh ia kane ka Rongbia ban shim tnga da ka bym dei khasi ban pynneh ia ka jaid ka kmie.

Ha kane ka dorbar ba kyrpang U CEM jong ka KHADC  la wanrah ruh ia ka Khasi Hills Autonomous District(Constitution of Subordinate Council of Traditional Chief and Headman) Rules 2018. Na ka liang jong u EM ba dei peit ia ka kam khyndew u Bah Latiplang Khrkongor u la wan rah ia ka Khasi Hills Autonomous District(Establishment of Twon Committee)( Second Amendment)  Rules 2018. Ia kine ki bill baroh kiba la wanrah mynta ka sngi hapoh ka iing dorbar ym pdiang la shai ka sngi hapoh ka iing dorbar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet