Shillong, Nohprah 21: Mynta ka sngi ka shnong Wahthapbroo ka leit ban ai jingiarap ia ka Balang u Blei ha Qualapatty, ban ia noh syniang lang katba lah la ka bor halor ka jingduh noh ia ka iing mane na ka daw jong ka jingpluh ding.
Ha kane ka jingleit ai jingiarap la ialam da u rangbah shnong u Bah Jop Rymbai, la don lang ki seng long kmie bad ki seng samla jong ka shnong, ryngkat bad ki nongshong shnong.
na ka liang jong u Rev Pastor AC Mol u ba la pdiang sngewbha ia kane ka jingnoh syniang jong ka shnong Wahthapbroo u la pynpaw ia ka jingsngewnguh ia ka shnong kaba la wan ai ia kane ka jingoh syniang jong ka.
Lah ban pynkynmaw ba ka iing mane jong ka Balang u Blei kala shah pynjulor ha ka jingpluh ding bad kane ka dei ruh ka iing mane kaba la slem kaba la kot sha ka shispah khyndai snem naduh ba la shna ia ka ha u snem 1910.
