Mynta ka sngi plie paidbah u Conrad ia ka “Mega IAS Scholarship” ha Meghalaya

Mr Conrad K SangmaShillong, Nailur 14: U Myntri rangbah jong ka jylla Meghalaya mynta ka sngi u la pynlait paidbah ia ka “Mega IAS Scholarship”  ha  Meghalaya. Ka sorkar jylla kan pynlait T.1.4 klur tyngka ban ai jingkyrshan ia ki samla kiba kwah ban ia khun ia ka IAS, ia kane ka pisa T.95 lak tyngka ym bei na ka Chief Minister career Guidance.

Haba kren ha ki nongthoh khubor u la ong ba ka jingpass jong ki samla na kane ka jylla Meghalaya ia ka IAS ka long kaba duna palat ban ia kren lei na Garo Hills lah ban ong bay m don kiba poi pass ia kane ka eksam. Na ka liang jong ka sorkar ka kwah ban pynshlur bad ha ka juh ka por ban ai ka jingkyrshan ia ki samla ha ka dur jong ka bai bam da kaba ia treilang bad ka Alternative Learning Systems (ALS) limited ba kan long ka nongai jinghikai.

U myntri rangbah u la iathuh ba ha ki snem kiba la leitnoh ka sorkar ka ai jingiarap iakito kiba leit ban shah hikai kyrpang ban ia khun ia kane ka eksamin IAS sha Delhi bad ka sorkar ka pynlut T.15 lak na ka bynta marwei, hynrei da ka jingkylla jong ka por ia kane ka juh ka jingai jinghikai la lah ban leh ha kane ka jylla Meghalaya ban ai jinghikai na ka bynta kiba kwah ban ia khun ia ka eksamin IAS.

Na ka bynta jong mynta u snem ka sorkar ka la buh thong ba ai jinghikai ia 200 ngut ki samla pule jong ka jylla bad ka jingjied ia kine ki samla kan long lyngba ka eksamin kaba ki hap ban ia khun lada ki pass ia kata ka eksamin ki lah ban shah jied ban shah hikai kyrpang na ka bynta shisnem lynter shuwa ba kin ia khun ia ka IAS eksam.

Ia ka eksamin ban jied ia ki samla yn pynlong ha ka 29 tarik mynta u bnai ha baroh ki District jong ka jylla, ia ki 100 ngut kiba wan sha khmat ka sorkar kan bei tyngka baroh ia ka jinglut jingsep ka jong ki bad ia ki 100 ngut kiwei pat ka ALS kan pynduna ia ka baihikai. Ia ka bairung pat kaba shongdor T.94,000/- ia u wei u wei u samla un bei da ka sorkar  sorkar jylla. Ki 200 ngut ki ban shah jied lyngba kane ka eksamin kin ioh ban ia leh ka aUPSC Exsam.

U Prateek Bhattacharya National Sales Head, jong ka  ALS  u la ong ba ha Meghalaya ym buh ar tylli ki jaka ai jinghikai kawei ha Tura bad kawei na Nongbah Shillong. U la iathuh ba ha Meghalaya kila sdang ia ka ALS saw snem mynshuwa bad ka long kaei kaei kaba bha ba ka sorkar mynta kala wan sha khmat ban ia rap ia ki samla ba kin ioh ia ka lad ban ia khun ia ka UPSC eksam kaba dei na ka bynta ka IAS.

 

 

 

What Next?

Recent Articles

Leave a Reply

Submit Comment
*