Shillong, Kyllalyngkot 31: ka jingthep nomination na ka bynta ka MLA Election sha ka iing dorbar thawain ka jylla kala sdang mynta ka sngi. Ha kane ka sngi nyngkong la don ar ngut ki kyrtong kiba la thep kyrteng hapoh East Khasi Hills District.
Kiba la thep kyrteng mynta ka sngi ki long ka Dr Ampareen Lyngdoh na ka party INC, na ka East Shillong Constituency. U wei pat u bah Ricky Shullai kum u kyrtong shimet na ka Mylliem Constituency. Ka jingthep kyrteng na ka bynta ban ia khun ia ka MLA Election kan kut ha ka 7 tarik u Rymphang.
Ha kane ka sngi da ki phew ngut ki nongkyrshan jong kine ki ar ngut ki kyrtong kila ia poi lang ban synran lang ia ki kyrtong ha kane ka sngi thep kyrteng ban ia khun ia ka MLA Election.
