Mynta ka sngi wanrah u Bah Shylla ia ka KHADC(CPCB) Rules 2018 hapoh ka iing dorbar

Shillong, Naiwieng 20: U Chief Executive Member jong ka KHADC u Bah HS Shylla u la wanrah ia ka Bills hapoh ka iing dorbar  ia ka Khasi Hills Autonomous District Council (Constitution and the Procedure and Conduct of Business) Rules, 2018.

Ha dien ba u CEM jong ka KHADC u la wan rah ia kane ka Bill ha poh ka iing dorbar na ka liang jong u Chairman jong ka iing dorbar u Bah Teinwell Dkhar u la bethah ia ki dkhot jong ka iing dorbar ba la da ki don napdeng jong ki kiba kwah ban wanrah ia ka jingpynkylla halor kane ka Bill ki lah ban ai ia ka jingthoh ka jong ki la shai ka sngi shuwa ka por saw baje jan miet.

Ha kane ka Khasi Hills Autonomous District Council (Constitution and the Procedure and Conduct of Business) Rules, 2018 kaba la wan rah mynta ka sngi hapoh ka iing dorbar, ha ka “Chapter II” jong ka paragraph phra, kiba lah ban long ki dkhot jong ka iing dorbar ki long katkum kine ki kyndon.

U ne ka kin nym lah ban long ki dkhot jong ka District Council, Lemda ki dei ki nongshong shnong jong ka Ri India, ka rta kamd ei ban duna ia ka 25 snem, u dei ban long u trai riewlum bad u dei ban long na ka jaid bynriew Khasi ne Jaintia, u dei ban long u nongthep but ha ka konstitwensi bad lada ym pa shah rai pynrem hapoh jong kano kano ka ain ha kaba ia dei bad ka ka ilekshon.Baroh ki rules hapoh kane ka bill kaba la wanrah mynta ka sngi ki don haduh 206 tylli.

Ha kane ka sngi na ka liang jong u CEM jong ka KHADC u la wan rah ruh hapoh ka iing dorbar ia ka Khasi Hills Autonomous District (Khasi Social Custom of Clan Administration) Bill, 2018. Ia kane ka bill ruh ka iing dorbar kan dang ia kren ha ka 22 tarik mynta u bnai shuwa ban pdiang ia ka hapoh ka iing dorbar.

What Next?

Recent Articles

Leave a Reply

Submit Comment

*