Mynta ka taiew yn ujor ka KHADC ia ka sorkar sha Supreme Court halor ka ILP: HS Shylla 

Shillong, Rymphang 19: U Chief Executive member jong ka KHADC u Bah HS Shylla mynta ka sngi u la ong ba ia shai kdar halor ka “Inner Line Permit” bala pdiang da ka iing dorbar jong ka KHADC bad ia kaba la pynphai noh da ka sorkar da kaba ai daw ba ka KHADC kam don bor halor kane, na ka liang jong ka KHADC kala dep ban pynkhreh bad mynta ka taiew kin mudui da ka “write petition” sha Supreme Court ban ioh ia ka jingshai.

Haba kren ha ki nongthoh khubor mynta ka sngi u bah Shylla u la ong ba ka KHADC kam shym la shna ain thymmai ha kaba ia dei bad ka “Inner Line Permit” hynrei ka KHADC ka wanrah ia ka Bill haba ia dei bad ka ILP halor ka ain kaba la don lypa, kaei kaba ka KHADC ka leh ka long ban kyntu ia u Lat jong ka jylla ba un ai ia ka jingmynjur ka jong u ban ioh ban pyntrei kam ia ka ILP hapoh jong ka KHADC.

Hynrei kaei kaba jia ka long ba ka sorkar ha kaba pynphai ia ka Bill ILP sha KHADC kala thoh shaikdar ba ka KHADC kam lah ban shna ain halor ka ILP, dei halor kane ka nongrim ba ka KHADC kan leit ban ujor mynta sha Supreme Court ban ioh ia ka jingshai halor ki ain kiba la shan da u Lat jong ka jylla bad ia kiba la ai ia ka jingmynjur da u President jong ka Ri India. Ban ia shai kdar halor kane ka KHADC kan ai da ka write petition sha supreme Court halor ka jubab jong ka sorkar ia ka bill ILP jong ka KHADC.

Ha ka juh ka por u CEM jong ka KHADC u la ong ba u sngewkmen ban iohi ba u myntri rangbah ka jylla u Conrad K Sangma u la sngewthuh ia ka jingiapher hapdeng ka jaka rung bad jaka mih bad ka ILP, ha kaba u la kren da kaba ong ba ka jaka rung jaka mih ki dei ki jingtrei bad ka ILP ka dei ka lad ban iada na ka jingwan rung kyrthep ki briew ban a sha bar ka jylla.

Haba phai halor ka jingkren  jong u myntri symbud rangbah u bah Prestone Tynsong halor ka jingwanrung kyrthep ki briew kiba na bar Ri, u CEM jong ka KHADC, u la ong ba u ne u myntri sorkar u la kren khlem da don ka jingkitkhlieh, ka jingma kaba ap ka dei na ki pat ki briew kiba dei napoh ka ri, ka jingdon kam ia ka ILP ka long ban khanglad ia ki briew na kiwei ki jylla ba kin wan ban buhai shnong ha kane ka jylla.

Ha ka juh ka porn a ka liang jong u CEM u ai ka jingkitbok ia baroh ki MDC jong ka KHADC kiba dang ia khun ia kane ka MDC Ilekshon ha kane ka kynti kaba mynta ba ki paidbah kin dang pynjop biang ia ki khnang ba kin lah ban bud dien ia ki bill kiba ka KHADC kala dep ban pdiang na ka bynta ban ioh ia ka jingiada kum ka jaidbynriew.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet