Mynta u bnai ka sorkar ka dei ban wanrah ia ka ain ban long kum ka ILP:CoMSO

Shillong , Risaw 09:  Na ka liang ka CoMSO ka kwah ban pynkynmaw ia ka sorkar Meghalaya ba la kumno kumno ha une u bnai October ka sorkar ka dei ban wanrah noh ia ain kaba long kum ka ILP ha ka Jylla Meghalaya bad ka kynhun ki seng bhalang ki  khmih lyngti ba kan leh ia ka ei kaba ka la kular ba Kan tynsat bad pynrung ia ki bor Jong ka ILP ha ka Meghalaya residential safety and security Act.

Ka CoMSO ka la long kaba la pynkhreh ban ia treilang lang bad ka sorkar ban pynbeit bad pynjanai ia ki rules kumno ban pyntreikam ia ka ILP ha ka Jylla bad ha kajuh ka por ki la long ruh kiba la pynkhreh ban pynlong ki jingiakhih ba tyngeh Lada ka sorkar ka dang buhteng ia Kane ka Kam .

Na ka liang jong ka CoMSO kala ong ba kila leh la ka bynta ban ai jingmut bad ban ai por ia ka sorkar ba Kan leh ia kaba Don kam bad Mynta ka Kam ka sah sa ha ka sorkar ban pyntrei kam ia ka ain kaban long kum ka ILP.

Ha kine ki khyndiat sngi , na ka liang ka CoMSO ka la ia kynduh ia ki myntri sorkar , ki nongialam Jong ki kynhun ba don ha ka sorkar bad kumjuh ruh wat ia ki MLA ki don ha ka liang pyrshah . ha kane ka jingiakynduh kila pynsngew ha ki ba ka Jylla kala Don Kam kyrkieh ia ka ILP khamtam eh hadien ba Ka Assam ka la dep ban pynbna ia ka thup kyrteng ha ka NRC bad ha u bnai December Kan kut ka por ban ailad ia ki poiwir ban iasaid na bynta ia lade.

Kumjuh ruh na ka daw ba Ka sorkar kmie hapoh ka jingialam ka BJP ki la rai kut ban pyntreikam noh ia ka CAB. U Amit Shah myntri kam poh iing jong ka sorkar pdeng  hadien ba u wan na mizoram u la kren shai ba iaki lai tylli ki jylla ba don iaka ILP yn buh kyndon kyrpang ia ki ha ka CAB ban  lait ka jingrung ki poiwir.

Kane ka jingkren u myntri kam poh iing jogn ka sorkar pdeng kamut  ka sorkar kmie Kan burom tang ia ki jylla kiba dang burom ia lade bad kiba dang kwah ban iada ia lade na ka jingrung ki poiwir , Ia kito ki jylla ba Ka syntur ka pyrshah CAB katba ki kam pat ki iada poiwir ka BJP imat kan nym map ban Kan pyntreikam beit ia ka CAB ha Kita ki jylla.

U Amit shah u kwah ban phah ka khubor ba lada ki jylla ki kwah ban Lait na ka CAB ki jylla kin pyntreikam noh ia ka ILP. Te ka Meghalaya ka dei ban kyndit ban pyntreikam noh mardor ia ka ILP ban lait na ka CAB bad ka kti ki poiwir.

Ka Jylla Manipur ka la dep pass ia ka Manipur people protection Bill 2018, ka Assam nalor ka NRC Mynta ka dang pynkhreh shait shait ban ia kren lyngba ka High level committee halor ka clause 6 Jong ka Assam Accord kumno ban iada ia ki Trai Ri bad wat ka trai muluk ka Tripura ki dang pynrhem ka Jingdawa ia ka Twipraland  ka jylla ki Riewlum la ka Jong.

Kine ki jylla ki la pynpaw Shai ba ki dang kwah ban iada ia ki riewlum . Katba sah ka long ba sa ka Meghalaya Kan pynpaw ki kam Jong ka ba Ka dang kwah ban iohi ba ia ka jylla yn dang long trai bad dang synshar da ki Trai Ri la jong kam don jingiapher ban shah synshar ha ki bar ri na Bangladesh lane ha ki heh paid poiwir bar jylla . Ka CoMSO kala pynpaw ba kin long hi ki mraw ha la ka Ri Lada la shah tyllep noh ha ki poiwir .

Te Lada ka sorkar ka pyrshah ia CAB ka dei ban pyntreikam noh ia ka ILP namar ka jingpyrshah ia ka CAB bad ka jingpyntreikam ia ka ILP ka mih na ka juh ka sain pyrkhat bad kata ka long ban iada ia ki Trai Ri ha la ka RI. Ong u Bah Robertjune Kharjahrin lamphang ka CoMSO ha ka kyrwoh kaba la phah mynta ka sngi.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet