Myntri Rangbah duh ka ri, u Narendra Modi u ai kren ka 2nd NYP Festival mynta ka sngi

New Delhi, k. Lyngkot 12: U Myntri Rangbah duh ka ri, u Narendra Modi u la ai jingkren ha ka jingialang pynhap pyrda jong ka 2nd National Youth Parliament Festival mynta ka sngi lyngba ka video conferencing. Ia kane ka jingialang la pynlong ha Central Hall bad u Myntri Rangbah duh u la sngap ruh ia ki jingsngew ba la pynpaw da lai ngut ki lahduh jong kane ka tamasa.

U Shongknor ka iing dorbar thawain Lok Sabha, u Om Birla, u Myntri Sorkar pdeng ba dei khmih ia ka tnat pule puthi u Ramesh Pokhriyal ‘Nishank’bad u Myntri khynnah jong ka Sorkar pdeng ba dei khmih ia ka tnat ki kam ialehkai u Kiren Rijiju ki la iadonlang ha kane ka jingialang.

Haba ai jingkren sha ki samla, u Myntri Rangbah duh u la kyntu ia ki bad ia ki samla jong ka ri ba kin shim kabu ia ka jinglaitluid bad ka rukom ai jinghikai ba bha lyngba ka National Education Policy- 2020. U la ong ba la ialeh ban wanrah ia ka rynsan ha ka ri, ka jingbym don kane ka pynlong ia ki samla ban leit shabar ri, namar ba ki bun ki lad ki lynti ha kine kiwei kiwei ki ri, la ong u Myntri Rangbah duh.

Ha ka jingkynmaw burom ia u Swami Vivekananda ha ka lyngkhuh sngi kha jong u, u Myntri Rangbah duh u la ong ba wat hapdeng ka jingiaid jong ka por, ka jingktah ki jinghikai jong u Swami Vivekananda ki dang iaineh ha ka jingim jong ngi.

Ki jingsngew jong u Swami Ji halor ka jingieid ri bad ka jingtei ia ka ri bad ki jinghikai jong u halor ka jingshakri ia ki briew bad ka jingshakri ia ka pyrthei ki dang bteng ban ai mynsiem ia ngi.

Ki briew kiba iakynduh ia u Swami Vivekananda Ji ki la ioh mynsiem ban sdang ia ki kam bapher bapher kiba la pynmih ia ki briew kiba kylla nongialam hadien. Kane ka la wanrah ia ka jingtyllun jong ka jingbiang ki briew kaba ialam sha ka jingkiew ki jaka treikam kiba pynmih ia ki briew kiba baing.

U Myntri Sorkar Pdeng ba dei khmih ia ka Tnat Pule Puthi, u Pokhriyal u la kynmaw ia ka khubor jong u Swami Vivekananda ba ki samla kilong ka bor kaba khraw jong kano kano ka ri bad ka lawei jong ka ri la saindur da ki jingtrei tyngeh ki samla jong ka.

U la ban ba ki samla ki don ka bynta ba kongsan ha ka rukom synshar paidbah, u la kyntu ia baroh ban long ki nongshong shnong ba don ka jingkitkhlieh bad ban nohsynniang ha ka jingtei ia ka ri da kaba pyntreikam ia ki jinghikai bad ki jingngeit jong u Swami Vivekananda ha ka jingim jong ki.

U Pokhriyal u la ong ka India, kalong ka ri synshar paidbah kaba heh tam ha pyrthei, ka ioh bor na ka riti synshar jong ngi, ka prat lynti na ka bynta ka jingpynkupbor ia ki briew kiba don ha ka kyrdan kaba hapoh tam ha ka imlang sahlang. La ong ba ka Preamble kalong ka bynta ba kongsan tam ha ka riti synshar jong ngi.

Ka kyntien ba nyngkong jong ka preamble kalong “We’ kamut “ma ngi ki briew jong ka India.” Kane ka senten kadei kaba bsuh ha ka imlang sahlang jong ka ri bad ban pyniatylli ia ka imlang sahlang da ka mynsiem ieit ri, u la bynrap.

U la kyrpad ia ki samla ban pyndonkam ia ka bor jong ki, ki jingangnud bad ka bor ban saindur ia ka lawei jong ka ri. “Nga kyrmen ba hapoh ka jingialam jong u Myntri Rangbah duh, u Narendra Modi, ki samla jong ka spah snem ba 21 kin thaw ia ka nongrim kaba khlain jong ka Swarnim Bharat”, u la ong.

Sngewbha ban peit harum ia ki bynta kiba iadei bad ka pule puthi ba la sot na ka jingai jingkren jong u MR halor ka National Youth Parliament Festival mynta ka sngi:

What Next?

Recent Articles

Leave a Reply

Submit Comment

*