Ha Arunachal lap ki shipai India ia ka liengsuin ka America ba pyndon kam ha ka thma bah baar

New Delhi, Iaiong 04: ka kynhun shipai jong ka India katba ki dang iaid pahara ha khappud jong ka jylla Arunachal Pradesh ha ka jingiadon lang jong ki pulit, kila lap ia ka liengsuin ia pom jong ka ri United State bad kane ka lieng ka dei kaba la pyndon kam da katei ka ri ha ka thmabah bar jong ka pyrthei.

Ia kane ka liengsuin ia pom kaba dei jong ka Ri America la lap ha ka 30 tarik jong u bnai Lber 2019 na ka jaka kaba la tip kum ka Roing hapoh jong ka jylla Arunachal Pradesh kane ka long katkum ka jingpyntip jong ka tnad shipai.

Katkum ka jingpyntip jong ki shipai la ong ba kila don ki trai shnong kiba la poi sha ki khlaw ba rben jong ka Roing kiba dei na ka shnong Dibang bad haba ki iohi ia kane ka jingdon ki nar kiba paw ha jrong jong u thah kila pyntip sha ki pulit. Haba ia dei bad kane ka jingpyntip la phah ia ka kynhun shipai ba kyrpang ban pynshisha ia kane ka jinglap.

Haba ki shipai kila leit sha katei ka jaka la shem ban a Roing sha ka jaka ba don kane ka liengsuin ia pom ka America kaba la hap ha ka thma bah baar ka jngai kumba 30 Km na shnong bad ki shipai kila iaid da kjat ban poi sha kane ka jaka bad kala shimpor ia ki phra sngi.

Na ka liang jong ki shipai kila ong ba ha kane ka jaka ki briew kim juh da kham leit namar ba ka dang khlaw palat bad ka jingrben jong u thah bad ka long kaba eh ban ioh lyer ban ring mynsiem. Na ka liang jong ki shipai ki shim ba kane ka jinglap ia kane ka liengsuin ia pom jong ka US kan dang lah ban lap shuh shuh ia ki khana kiba ia dei bad ka thma bah baar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet