Na ba wat RTI ia ki skhim MGNREGS  ha shnong Mawkhan Pasir, shah shoh u rangbah

Shillong, nailur 23: U Bah Trycolur Kurkalang  u ba dei u nongialam jong ka kynhun wad jingtip lyngba ka Right To Information (RTI)  jong ka shnong Mawkhan Pasir  u la iathuh ba ha ka miet sngi u Blei kata 22 tarik mynta u bnai ki riew sniew kila leit sha iing jong u bah Seiborlang Langstih bad ha kane ka jingleit kila shoh la dat ia une u rangbah u ba dei ruh u wei na ki rangbah dong.

Haba kren ha ki lad pathai khubor mynta ka sngi ha Shillong Press Club, u bah Trycolur u la iathuh ba mynta ka sngi kila leit ban ai ia ka ejahar hapoh jong ka Mawngap police Station pyrshah ia ki lai ngut ki briew kiba la suba ba ki don kti ha kane ka kam thombor ia u Bah Seiborlang .

Ha ka ejahar la kdew ba kine ki lai ngut ki briew kiba la shah kynnoh don kti hakane kam shoh briew ki long u bah Willterwell Syiem,u bah  Litos Syiem bad u bah  Specius Syiem.  La iathuh ruh ba na ka liang jong ki pulit kila kem ia kine ki lai ngut ha miet sngi u blei bad ka jingkem ka long halor ka jingkrem khlem akor hapoh shnong pohthaw.

U bah Seiborlang Langstieh  u ba la shah shoh ha kitei ki lai ngut ki briew ha phyllaw iing la jong u la iathuh ba ha ka por ba kila wan kila kylli ia u bad khlem don kano kanoka jingmut sniew u la mih sha bar ban ia kren hynrei ha kata ka por kila bom la tid ia u bad na ka liang jong u ruh iala iada ia lade bad la lah ban khang da ka jingwan ki para marjan.

La iathuh ba lehse ka daw jong ka jingleh kine ki riew sniew ka dei na ka jingwad jingtip lyngba ka RTI ha kaba ia dei bad ka jingpyntreikam ia ki skhim MGNREGS hapoh shnong kaba la kot sha ka T.32 lak tyngka kaba ka ophis jong ka Deputy Commissioner jong ka East Khasi Hills District kala phah tohkit mynta.U bah Seiborlang u la iathuh ba kine ki briew kila wan da ka kali maruti kaba don ia u number WB-24-K-3757.

Na liang jong u Bah Trycolur u la ong ba ka jingshah byrngem kala long la slem bha hynrei kim shym poi pyrkhat ba kan jia haduh katne ba ki briew kila thew wat ban ktah ia ka jingim briew, na ka liang jong kane ka kynhun kaba don 12 ngut kiba wad RTI kila pynpaw ba ki don ha pdeng ka jingsyier lada ki bor jong ka ain kim pynshitom tyngeh ia kum kine ki briew.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet