Na ka bynta ka Meghalaya, iai soi ka sorkar pdeng bad ka WB ia ka ram ba 48 million dollars

New Delhi, Iaiong 16:Mynta ka sngi ka sorkar pdeng bad ka World Bank kala ia soi ia ka soskular ban iaram ia ka jylla Meghalaya 48 million dollars na ka bynta ban pyntrei kam ia ka skhim kaba la tip kum ka “Meghalaya Community – Led Landscapes Management Project (MCLLMP)”. Ia kane ka soskular la ia soi ha nagbah Delhi mynta ka sngi.

Ia ka soskular na ka bynta katei ka ram na ka liang jong ka sorkar pdeng la soi da u Sameer Kumar Khare, Joint Secretary (MI) jong ka ministry ba dei peit ia ka ioh ka kot na ka bynta jong ka sorkar pdeng bad u Hisham A Abdo Kahin u ba dei u nongpeit shipor jongka World Bank ha kane ka Ri India, katba na ka liang jong ka jylla Meghalaya la soi da u P. Sampath Kumar Commissioner bad Secretary jong ka jylla Meghalaya bad ha ka juh ka por u dei ruh u CEO jong ka Meghalaya Basin Development Authority (MBDA).

Ka jingthmu jong kane ka ram kaba la shim na ka World Bank ka long ban pyntrei kam ha kane ka jylla na ka bynta ban pynneh pynsah ia ka khyndew ha kane ka jylla Meghalaya, kumno ban pynkhlain ha kaba pyntrei kam ia ki marpoh khyndew ha kane ka jylla bad kumno ba ki paidbah kin ia bynta lang ha kane kaba pynneh pynsah ia ka khyndew.

Ia kane ka skhim dei ban pyndep hapoh ka 30th Jylliew 2023, kumba ka long ka jylla Meghalaya ka don ia ka spah mariang kum ka khyndew, ki tyllong um jong kane ka jylla ka dei na ki khlaw bad kane ka long ka thymmai jong ka kamai ka jih jong ki paidbah ha kane ka jylla.

Kane ka skhim ka long ban iarap ban iada ia kine ki khlaw ki betap kiba la sdang ban duh noh mynta. Ban pynim biang ia ki don kam ban pynkhlain ia ki khlaw shnong, khlaw hima. Da kane ka skhim iarap ban pynim biang ia ki khlaw kiba dei ki tyllong um na ka bynta ka jingmyntoi jong ki paidbah, kan iarap ban kiew ha ka ioh ka kot bad kan pynduna ia ka jingduk ha kane ka jylla.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet