Jowai, Iaiong 02: Ka Kong Chiarmon Dkhar, kawei na ki nongshong-shnnong ba pawkhmat, ba sbun bad khuid mynsiem bha iong ka shnong Wapungskur, East Jaintia Hills District, da ka m
ynsiem kaba sngewkhia jur halor ka jingshahktah jur jong ki long iing baduk ba kyrduh, kiba im na kti ha ktien, kiba shong ba sah ha ka Dong Umchongpet, Wapungskur, East Jaintia Hills District.
Ki long iing ba duk kila shem shitom na ka jingpakhang shnong jong ka Ri India, na ka daw jong ka Jingpang Khlam, u COVID-19, mynta ka sngi, da ka mynsiem smgewsynei, ka la ai jingiarap kylluid mynsien ia ki katto katne tylli ki longing longsem ba duk ba kyrduh jong ka Dong Umchongpet, Wapungskur, da kaba ai ia ki da u khaw haduh kumba 1050kg, u phan 200kg bad u piat 100kg.
Don kumba haduh 54 tylli ki longing longsem kiba duk ba kyrduh na ka Dong Umchongpet, Wapungskur, kiba la ioh bynta na katei ka jingai jingiarap sbun mynsiem iong ka kong Chiarmon Dkhar. Ia kitei ki marbam ba donkam la sam sha kitei ki longing ha ryngkat ka jingdonlang, ka jingkren lyngkot bad ka jingduwai u Chairman jong ka Dong Umchongpet, u Bah G.R Bareh bad la sam ruh ia ki, da kaba peit katkum ka jingbun briew ha kawei pa kawei na kitei ki longiing.
Ka kong Chiarmon Dkhar, ka nongshnong-shnong jong ka shnong Wapungskur, East Jaintia Hills, ka long ka briew kaba sbun bad khuid mynsien bha kaba ju kloi bha ban iarap ia ki kiba duk ba kyrduh bad kiba shem shitom shem jynjar ha kano kano ka por.
Ym tang ia kiba duk ba kyrduh hynrei kumjuh ruh ka Kong Chiarmon Dkhar, ka long ka briew kaba kylluid mynsien bha ha kaban iarap ia ka ka Kur ka Jaid, ka shnong ka thaw bad ruh ia ka imlang ka sahlang ha kiba bun ki bynta na ka por sha ka por.
La ong shuh shuh, ba ka Kong Chiarmon Dkhar, kan dang iai bteng shuh hsuh ia ki kam lehisynei jong ka nangne sha khmat ruh, khamtam sha ki longing ba duk ba kyrduh kiba la shah ktah jur bha ha kaba kum kane ka por jong ka jingpakhang shnong na ka daw jong ka Jingpang Khlam COVID-19.
