Na ka NH-127 (B) yn pyniasoh na Srirampur sha Dhubri haduh Nongstoin: Dr Mukul

Dr Mukul SangmaShillong, Nailar 15: Ka Jylla Meghalaya ryngkat ka Ri India baroh kawei mynta kala rakhe ia ka sngi Laitluid kaba 71. Ha madan Polo ia ka Lama jong ka Ri India la pynher da u myntri rangbah ka jylla u Dr Mukul Sangma hapdeng ka jingsakhi da ki hajar ngut ki paidbah, ha ka jingiadon lang ki heh ki hain na ki tnad shipai bad kum juh na ka sorkar jylla.

Ha ka jingkren jong u myntri rangbah, ha kane ka sngi Laitluid kaba 71 jong ka Ri India, u la kham ban jur ha kaba ia dei bad ki surok nalor kiwei kiwei ki mat kiba u la kren mynta ka sngi ha kaba kren sha ki paidbah jong ka jylla Meghalaya ka sngi ha kane ka sngi kaba kyrpang. U la ong ba ka sorkar kala buh kyrpang ia ka thong ban shna ia ki surok da kaba kham pynleit jingmut ha kaba ia dei bad ki surok sha ki nongkyndong bad ka sorkar kala bei ruh shibun ka pisa ha ki surok.

Ban pynbha ia ki surok kiba dei ki surok bad bad ki surok kiba pyniasoh na kawei ka District sha kawei pat la ia ka pisa la ioh lyngba ka ‘Special Plan Assistance and Special Central Assistance’ na ka bynta ban pynbha ia ki surok ba la don lypa bad na ka bynta ban shna thymmai, nalor kine ka sorkar kala buh ia ka thong ban pyniasoh ia ki shnong baroh da ki surok. Na ka jingmang pisa na ka jylla ha u snem  2016-2017 la shna 88 km ki surok bad 164 km la siang rong, na ki jingkieng dieng la shna da ki jingkieng dewbilat haduh 1010 meter.

Ban pynioh surok sha ki nongkyndong lyngba ka  PMGSY na ka bynta ka  Rural Roads Project-II (RRP-II) mynta ynsa bei pisa lyngba World Bank. Hapoh kane ka skhim yn pyntrei kam haduh 290 tylli ki surok kane kan kot sha ka 1112 km bad ha kine ki san snem la lah ban pynioh surok haduh 419 tylli. Na ka skhim ‘Special Accelerated Roads Development Programme na ka bynta ka North East (SARDP-NE) ruh la sdang ban pyntrei kam da ka sorkar pdeng naduh u snem 2005.

Hapoh jong kane ka skhim baroh ki nongbah jong ki jylla ka dong shatei lam mih ngi jong ka Ri India yn pyniasoh da ki surok kiba bha ia kaba la tip kum ka  East-West Corridor  lyngba ki surok four lane, baroh ki nongbah jong ki District ynpyniasoh da ka sruok two lane, ia ki surok ha khappud yn pynbha ia ki bad kum juh ia ki kad khaii pateng.

Ia ka surok four lane yn sa lah ban pyntrei kam noh shen ynda la dep ia ka Umsning Bye-Pass. Ka surok na  Shillong-Nongstoin-Rongjeng-Tura  ruh ka jingshna ia kane ka surok la jan dep mynta, Ki don lai tylli ki surok , na Ranikor sha Baghmara, na Chaygaon sha  Nongstoin bad na Nongstoin sha Ranikor lyngba ka wah Rilang ia kaba la dep ban mynjur ha u snem 2011 hapoh jong ka  SARDP-NE. Ia kine ki surok yn sdang ban pyntrei kam noh mar ia dep lah ban pynbeit ia ka jingshim jaka.

Kiwei ki skhim shna surok ia kiba la dep ban mynjur  lyng ba ka  SARDP-NE kan long haduh 727 km, ki surok kiba don kam kyrpang kin long 420 km kine ki hap haka kynhun National Highway. Ia kine ki surok yn bei pisa da ka Japanese Investment Corporation Agency (JICA) ia kaba la dep ban ai ia ka jingmynjur, kum ka surok NH-62 kaba pyniasoh ia ka Dudnoi ha Assam bad ka Baghmara bad ka  Dalu, kane ka surok ka long 195 km ia kaba la bei pisa da ka company  JICA ia kane ka surok yn sdang noh shen mar ia dep pynbiang .

Kiwei ki surok  kum ka Shillong – Dawki NH – 40 kaba jrong  71.5 km, ka surok na Tura – Dalu  kaba jrong NH-51 na kaba juh don mynshuwa  54 km. Hapoh jong ka  NHDP III, ka surok Shillong-Jowai-Ratacherra hapoh jong ka NH-44 la sdang ban pyntrei ia ka ban pynheh ia ka surok  kaba don 104 km.

Na pdeng kitei ki surok baroh kaba don kam eh ka long na ka bynta ka dong shatei lam mih ngi ka dei ka surok  NH-127 (B) ka ban pyniasoh ia kane ka dong shatei lam mih ngi jong ka Ri India lyngba ka Srirampur da kaba iaid lyngba ka Dhubri, ban pyniasoh da ka jingkieng ia ka wah Bramaputra sha Phulbari, sha  Rongram bad kan kut sha Nongstoin bad kane ka surok kan long kumba 401 km bad kane kan pynsted ia ka leit ka wan na ka jylla Meghalaya bad kiwei kibynta jong ka Ri India.

Ka jingkhapngiah kali ha kane ka nongbah Shillong ka dei kawei ka jingeh kaba khraw, da ka jinglah ban pyndep ia ka Shillong Bye-Pass kala iarap shibun, ban kham pynlait shuh shuh ia ka jingkhap ngiah kali ka sorkar kala pyntrei ia ka Mawlai Bye-Pass bad ia kane ruh yn sa dep noh shen bad kane kan iarap shuh shuh ia ka jingkhap ngiah kali ha kane ka nongbah shillong,

Namar ba la dang bun ka jingwan jong ki nongjngohkai pyrthei  ka sorkar kala pynkhreh ia ki surok kiba thymmai, ha kaba yn sa shna ia ka surok kaba yn ai kyrteng ka Shillong-Western Bye-pass ka ban sdang na Umiam bad kan pyniasoh sha Nongkrem lyngba ka  Mawlyndep, Mawmih, Ladmawreng, Mylliem. Kane ka pynsuk ia ki nongwan jngohkai pyrthei ba kin leit sha ki jaka kaba ki kwah kum ka  Sohra, Mawsynram, Mawlynnong, Dawki, Nongkrem, Laitlum, Mawphanlur, Nongkhnum bad kiwei kiwei ki jaka khlem da don kam ban rung hapoh jong ka nongbah Shillong ka jingpynkhreh ia kane kala iaid sha khmat.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet