Shillong, Naiwieng 30: Myntaka sngi ka samla pule KSU na Khanduli kala pynpaw ia ka jingsngew lyngngoh ba na ki lai tylli ki kper sla sha jong ka JHADC kumba la paw na ka RTI ki don lai tylli ha thain Khanduli khapud bad ka jylla Assam.
Haba kren ha ki lat pathai khubor u President ka KSU Khanduli u samla Tyngshain Krem la ong ba, na ki lai tylli ki kper sla sha kiba la paw ha ka RTI, kaba don shisha ka dei tang ha Murangtung, katba kata ba ha Riatsiatmuit bad Mawkyntein kim don kito ki kper sla sla.
Katkum ka RTI kaba la lap ki don palat hajar ki nongtrei ha kitei ki ki lai tylli ki kper sla sha bad kiba bun na ki nongtrei ki shu shon kti, na ka liang ka seng kim sngew ei ei ia kata ka jingshong kti hynrei kaba ki kwah ban iohi ba ki don ha ka kam ban trei.
La kynnoh ba ki nongtrei kiba la buh ha kitei ki kper sla sha kim shym la poi sha jaka trei kum ki trai shnong kim juh iohi ia kita ki nongtrei, na ka liang ka KSU ka dawa na ka JHADC ba kan pyntrei kam biang ia kita ki kper slasha.
La ong ba ia kitei ki kper sla sha la sdang ha u snem 2006 haduh 2014, ka seng ka kwah ba ka JHADC ka dei ban pyntrei ia kine ki kper slasha namar ba kan long kum ka jingiada ia ka khyndew ka shyiap namar katei ka jaka ka dei ka jaka ba don hapdeng ka jingiaknih pud hapdeng ka Assam bad Meghalaya.
Na ka liang jong ka KSU kala ong ba kin nym shong kli ktiha kaba ia dei bad kane ka kam lada dei ban leit sha iing leih iing saw ruh ka seng kam ban se ban leh bangkhang lat ia kane ka jingleh ka JHADC.
