Na khyrdop iing ka myntri ka koit ka khiah sdang teh lama iong ka HYC ha ka jingdawa ILP

The HYC members hung black flag.Shillong, Naitung 26: Ka seng Hynniewtrep Youth Council, mynta ka sngi kala beteng ia ka jingiakhih ba jai jai ka jong ki ha kaba ia dei bad ka jingdawa na ka sorkar ba ka dei ban pyntrei kam ia ka Inner Line Permit ha poh kane ka jylla da kaba teh ia ki lama iong, ia kane ka jingpyndeng lama iong la sdang the na khyrdop ing jong ka myntri ka koit ka khiah ka kong Roshan Warjri ha Mawkhar.

Ha dien ba ka seng HYC kala dep ban the ia ka lama iong ha khyrdop iing jong ka kong Roshan Warjri , kisa leit kylleng ki jaka pdeng bad ki surok jogn kane ka nongbah Shillong ban teh ia ki lama iong ha ryngkat ki jingthohha kine ki lama ban dawa na ka sorkar ba ka dei ban pyntrei kam noh ia ka ILP ha kane ka jylla, kane ka long kawei na ki  jingiakhih kiba ka seng HYC kala shim.

Ha ki lama kiba ka seng kla thoh ka long ba, Ban pynneh pynsah ia ka khyndew ka shyiap jong ka jaidbynriew khasi dei ban pyntrei kam noh ia ka ILP ha kane ka jylla la thoh ka HYC nalor jong kane la don bun ruh kiwei kiwei ki jingthoh kaba kila kren halor ka phang ban ia da ia ka jaidbynriew.

Kane ka jingwah lama iong jong ka seng HYC mynta ka sngi kam dei tang ba ki teh ha ki kynroh hynrei kila the ruh ha ki kali jong ki paidbah kiba iaid ba ieng ha surok, ia ki kalai kamai bad kumjuh ia ki kali jong ki riew shimet, ka HYC ka sngew ba dei tang ka ILP kaba lah ban khang lad ia ka jingwan rung kyrthep jong ki briew kiba na bar sha kane ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet