Shillong, Nailar 12: Mynta ka sngi ha ka por kumba 4.20 baje noh phai sngi u wei u dieng bah u ba don ha skut jong ka Raj Bhavan u la khyllem bad lait ban hap ha ki lai tylli ki taxi kiba dang iaid na kane ka surok bad ha kane ka jingjia lai ngut ki briew kila duh ei iala ka jingim bad ar ngut kiwei pat kila mynsaw.
Na kine ki lai ngut kiba khlad, haduh mynta ka miet kiba la ithuh dei tang ia ka kong Crystal Gayle Kharnaior kaba dang 23 snem ka rta ka khun jong u Bah Raphael Warjri ba shong ba sah ha Mawlai Nongkwar Block-V . Katba ki ar ngut kiba la khlad na ka liang jong ki pulit ki dang ia pyrshang ban tip ia ka kyrteng bad ka jaka sah ka jong ki.
Ki lai tylli ki taxi kiba la shah ban ha une u dieng bah ki don ia u number ML-05L-1471, ML-06-4171 bad ML-05P-0543, kane ka jingjia kala jia ha lynti ban leit sha All India Radio bad ban noh sha Lowerlachimier. Kine ki lai ngut kiba khlad ha kane ka jingban u ne dieng ki shong ha ka Taxi kaba don ia u Number ML-05L-1471. Ki ar ngut ki rangbah kiba khlem pat tip kyrteng, u wei u dei u ba la don ha pdeng ka rta 50 snem bad u wei pat kumba 35 snem.
KIwei kiba la mynsaw pat, ki long ka kong Wannysha Ksoo 27 snem bad ka kong Newmemorial Wahlang 51 snem. Ia kine kiba mynsaw la pynkit ia ki da ki kali Ambulance jong ka 108 sha ki jaka ai jingsumar. Ha kane ka jingkhyllem jong une u dieng bah ki ksainar light.
