Na ki 60 tylli ki Assembly Konstitwensi pynbna ka UDP 32 ngut ki kyrtong ban ia khun MLA 2023

Shillong, Nohprah 06: Mynta ka sngi u Presdient ka United Democratic Party (UDP) u bah Metbah Lyngdoh u la pynbna ia ki kyrtong jong ka party ki ban ia khun ia ka MLA elekshon ha u snem 2023 ha ka jingialang hapoh ka ophis jongka party ha Shillong mynta ka sngi.

Ki kyrtong kiba la pynbna mynta ka sngi baroh ki long 32 ngut, na East Jaintia Hills la pynbna tang ia ka kyrteng jong u bah Kyrmen Shylla ba dei MLA ba mynta na ka 6-Khliehrait Konstitwensi.

Ha West Jaintia Hills District, na 1-Nartiang la pynbna ia ka kyrteng u bah Dawan Lyngdoh MDC, na 2-Jowai la pynbna ia ka kyrteng  u bah Moonlight Pariat, 3-Raliang la pynbna ia u bah J. Treilang Suchiang, na 4-Mookaiaw la pynbna ia ka klyrteng u bah Nujorki Syngoh MLA, na 7-Amlarem la pynbna ia ka kyrteng u bah Lahkmen Rymbui MLA.

Na Ri Bhoi District, na ka 8-Mawhati la pynbna ia ka kyrteng u bah Baiahunlang Makdoh, na 10-Jirang la pynbna ia ka kyrteng u bah Badhok Nongmalieh, na 11-Umshning la pynbna ia ka kyrteng u bah Sunshine Makri.

Ha East Khasi Hills, na 13-Mawsyngkneng la pynbna da u Dr. Osaphi Smithson Jyrwa, na 20-Mylliem bah Mitchiel Wankhar, na 23-Sohiong bah HDR Lyngdoh, na 25-Mawsynram bah Olan Singh Suin, na 26-Shella bah Balajied Kupar Synrem, na ka 27-Pynursla bah Anthony Kongwang, na 28-Sohra bah Titosstarwell Chyne, 29-Mawkynrew bah Remington Pyngrope.

Na West Khas Hill na 32-Nongstoin bah Polestar Nongsiej , na Eastern West Khasi Hills District, 31-Mawthadraishan bah Brolding Nongsiej, na 30-Mairang bah Metbah Lyngdoh, na South West Khasi Hills na 35-Ranikor bah Pius Marwein. Na Shillong City, na 17-North Shillong Dr. Aman War, na 18-Shillong West bah Paul Lyngdoh, na 21-Nothymmai Dr. Jemino Mawthoh.

Na North garo Hills, 37-Kharkutta u Luderberg Ch Momin, na 38-Mendipathar u Subrotho G Marak, na 39-Resubelpara u Taposh  D Marak, na 40-Bajengdoba u Rakman Ch Marak, na East Garo Hills na 42 Rongjeng u Andreash G Momin, na West Garo Hills na 55-Salmanpara u Ronal Rikman Sangma, na 57 Dalu u Kenethson R Sangma bad na 47- Rajabala u Ashael D Shira.

U President ka UDP u la ong ba u don ka jingkymren ba kine ki kyrtong kiba la pynbna ban poi sha ka jingjop bad ki don ki jaka ba don ki MLA ki dang ia kren bad ap lada ki wah ban ia khun na ka party kin hap ban resign na ka kam MLA bad shuwa ka Khrsitmas kin lah ban pynbna lut ia ki kyrtong.

Kane ka jinglah ka UDP ban pynbna ia ki 32 ngut ki kyrtong ka kren shai ba ka UDP ka lah ban ialam bad ki don san ngut ki MLA kin san ban pyniasoh bad ka UDP bad ia kane kin sa leh noh shen, ki don ruh ki ban sa shong thait na ka kam ba kin sa pyniasoh bad ka party UDP ban ia khun ia ka MLA.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet