Shillong, Nohprah 17: U Director ka tnad ka koit ka khiah u Dr Aman War mynta ka sngi u la pyntip ba kiba la test COVID-19 positive mynta ka sngi ki long 69 ngut, East Khasi Hills 61, East Garo Hills 2, Ri Bhoi 2, West Garo Hills 1, West Khasi Hills 1, baroh kiba dang shitom ki long 686 ngut.
La pyntip ba kiba la ioh ia ka jingkoit mynta ka sngi ki long 70 ngut, East Khasi Hills 55, West Garo Hills 8, East Garo Hills 3, West Jaintia Hills 2, East Jaintia Hills 1, West Khasi hills 1 kiba la koit baroh haduh mynta ki long 12322 ngut.
Na ka liang ka tnad ka koit ka khiah la iathuh ba kine ki 61 ngut kiba la test COVID-19 ha Shillong ki long na ki dong bad ki jaka bapher bapher jong ka nongbah Shillong, na CM Bungalow la test positive u 1, dei halor kane ka jingkiew kiba ngat COVID-19 ba la buh ia ki jaka test na phang ha ki jaka paidbah ha kane ka sor Shillong.
