Na ki san ngut ba la rah ki pulit, la kem lai ngut, ar la pynlait halor ka jingjia ha Umoid

Shillong, Rymphang 27:  Ki pulit mynta ka sngi kila pynshai ba na ki san ngut ki briew kaba ki la rah halor ka jingjia ha ka shnong Umoid ha South West Khasi Hills District, la kem lai ngut bad ar ngut la pynlait noh ha dien ka jingtohkit.

Haba ia dei bad ka jingjia ha ka shnong Umoid, ki pulit kila rah ia ki lai ngut ki briew ban tohkit bad na kine ar ngut la pynlait bad la kem ia u wei, mynta ka sngi ki pulit kila rah sa ia ki ar ngut ki briew bad ia kine la kem noh da ki pulit, kiba la kem da ki pulit halor ka jingjia ha shnong Umoid ki long 3 ngut.

Na ka liang jong ki pulit ki kyntu ia ki paidbah ba kin kiar na ka jingshim ia ka ain hala ka jong kati bad na ka liang jong ki bor jong ka ain ruh kan pynshitom katkum ki ain ia kiba pynmih ia ki jingklumar.

Haba batai ia ka jingjia ha St. Xavier’s College ha ka shnong Umoid ha ka 24/02/2021, na ka liang jong ki pulit kila iathuh ba ki phrang ngut ki nongtrei kila poi ha katei ka jaka ha ka 19/2/2021 bad kine ki nongbylla ki dei na Ujnghagrar Char village, South Salmara, Mankachar District, Assam.

Haba ia dei bad kane jingwan jong kine ki nongtrei bylla la pyntip sha ki bor shnong bad u rangbah shnong bad ki nongkit kam shnong Umoid-Shaidshaid kila leit ban ia kynduh ia u phdar ba dei peit ia kane ka Kolej ban kyrpad ban pynshah shuwa ia ki nongtrei sha ki jaka ba kham shngian.

Na ka liang jong ki bor ba pyniaid ia ka college kila konguh ia kaei kaba la pynsngew da ki bor shnong bad la ialam ia ki sha Nativity School Mawkyrwat na ka bynta ka jingshngian ka jong ki ki nongtrei bad na ka liang jong kiba peit ia kolej kila phah da ka jingthoh ha ka 23/2/2021 bad ha kane ka juh ka sngi kala don ka jingiakren bad la ai ruh ia ka jingbit ban sah bad ba kin trei.

Ha dien ba la ioh ia ka jingkular na ki bor shnong la wan ialam ia kine ki nongtrei ha ka 24/2/2021 ha ka por mynstep bad dei ha ka por 11.30 baje myn miet ki riew sniew kiba la don kumba 20 ngut ei ei kila leit ban shoh ia kitei ki nongtrei ha ka jaka sah bad baroh ki nongtrei kila ia mynsaw.

Ia kiba mynsaw la pynkit sha Mawkyrwat CHC ba ioh ia ka jingsumar na kine ar ngut kila mynsaw jur bad la pynkit sha Shillong Civil Hospital bad na ka daw jong ka jingmynsaw u  Raju Mondol u la khlad noh, na ka liang jong ki pulit kila rehister ia ka ejhar hapoh Mawkyrwat Police Station hapoh ki kyndon Mawkyrwat PS Case No. 01(2)2021 U/S 447/450/324/326/302/34 IPC .

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet