Shillong, Nailur 27: Ka tnad syntiat jong ki Custom ha dien ba kala ioh ia ka jingtip kaba bniah kala pynlong ia ka jingap shrip hapoh Killing jong ka Ri Bhoi District bad kila ioh ban bat ia kawei ka kali Scorpio bad na kane ka kali la ioh ban kurup ia u dawai ba la tip kum u “Meth tabs”.
Katkum ka jingiathuh jong u Deputy Commissioner jong ki Custom u Bah I Kharkongor u la ong ba kane ka dei ka jingioh kem kaba heh duh haduh mynta namar kine ki dawai kiba la thmu ban phah sha Bangladesh ki la shong dorbar haduh T.19 klur.
Kine ki nongkhaii beain ia kineki dawi kiba ym lah ban ia dei paidbah, kila mih na Moreh jong ka jylla Manipur da ka jingthmu ban kit sha Bangladesh hynrei kila shah kem noh ha Ri Bhoi District Killing, la iathuh ba ia kine ki dawai la buhrieh ha ka tyre kali bad ha ki jingkhang jong ka kali.
Na ka liang jong ki Custom kila ong ba la ioh kem ar ngut ki briew na kane ka kali bad na ka liang jong ki Custom kila sdang ban tohkit ia kane ka jingiakhaii beain ban iohkem ia kiwei dei kiba ia don bynta ha kane ka jingkhaii beain.
