Shillong, Kyllalyngkot 25: Ka President jong ka Ri India mynta ka sngi kala ai ia ka jingmynjur jong ka ia ki kyrteng ban ioh ia ka khusnam “Jeevan Raksha Padak Series of Awards-2022” kiba don 43 ngut, ha kane la kynthup ia ki 7 ngut kiba ioh iaka Sarvottam Jeevan Raksha Padak, ki 8 ngut kiba ioh iaka Uttam Jeevan Raksha Padak bad kiba ioh iaka Jeevan Raksha Padak ki don 28 ngut, saw ngut kiba la pynkup ia kane ka burom sha kiba la khlad noh.
Na kane ka jylla Meghalaya kiba la shah jied ban ioh ia katei ka khusnam na ka Sarvottam Jeevan Raksha Padakbad kito ki long u Nilbath D. Sangma, Meghalaya, u Sengrik D. Sangma, Meghalaya, i Walgrik M. Momin, Meghalaya bad u Jinjash D. Marak, Meghalaya, ka ban ioh ia ka Jeevan Raksha Padak ka dei ka samla Ridondor Lyngdoh, Meghalaya.
Kane ka khusnam la ai sha kito ki briew kaba ki kam jong ki kila pynpaw ia ka jingieid para briew ban pynlait im ia ki mynsiem briew, ia kane ka khusnam la phiah ha ki lai bynta, ka Sarvottam Jeevan Raksha Padak, ka Uttam Jeevan Raksha Padak bad ka Jeevan Raksha Padak. Ia kane ka khusnam la ai ruh sha kito kiba la khlad noh.
Ia kane ka khusnam ka kynthup ia ka syrnot, kaba la soi da u Myntri kam poh iing ka sorkar pdeng, ba ka pisa kaba kin ioh na ki tnad ka sorkar pdeng wat na ki sokar jylla ruh kum juh kaba ki nongioh ia ka khusnam ki dei.
