Na Motphran yn sdang Ka HYC ban ialap ia ka “ Ka Rai Eh Daw”  kumnoban  jied MLA

Shillong Rymphang 01: Ka Hynniewtrep Youth Council (HYC) kan sa pynlong ia ka jingialap kaba la ai kyrteng  ‘Ka Rai Eh Daw’ ban pynshai paidbah halor kumno ba kin jied ia ki nongmihkhmat kiba la biang ka jingnang jingtip.

Kane ka jingialap ka long ban pyntikna ba ki nongmihkhmat na bynta ki san snem kiba ki paidbah kin jied kidei ban don ka jingkitkhlieh kiban lah ban pynurlong ia ki mat jingdawa jong ka jaidbynriew. Ia kane ka jingialang yn sdang ban pynlong na Mothpran bad yn sa iaid sha kylleng kiwei de ki jaka ha ka jylla.

Haba kren sha ki lad pathai khubor u nongialam ka Hynniewtrep Youth Council u bah Robertjune Kharjahrin, u la ong ba seng na ban pyntikna ba ka jylla baroh kawei kan ioh ia ki nongsynshar ba biang ha ka jylla bad ka synshar khaddar kaba khuid bad suba, ka seng ka la rai ban pynlong ia ka jingpynshai paidbah ban hikai halor kumno ba kin leh bad kumno ba kin pynshong nongrim ha ka por ba kin jied ia ki nongmihkhmat.

Bah Robert la ong ba kila shim ia kane ka rai ban pynlong ia ka jingpynshai paidbah lyngba ki jingpyndonkam ia ki kot lyngkdop, Ka Sur Phawar bad lyngba ki jingpynshai paidbah ha kylleng ki jaka ha kane ka jylla, ” ong u bah Robertjune.

U la ong ba ka jingthmu jong ka seng ban pynlong ia kane ka jingpynsngewthuh paidbah, ka long namar la iohi ba ki mat jingdawa kum ka ILP, u Pud u sam, ka them motor, ka jingdawa ban tohkit ia ki kam bamsap bampong bad kiwei de, ki khlem urlong kadei namar ba la bakla jied ia ki nongmihkhmat ha ka por ilekshon.

U President ka HYC, u la ong ” Kumba ki nongrep  ki bet shi khoh u phan ki lah ban shiphew ne khatsan khoh hadien bad haba ngi jied nongsynshar da ka lynti bym dei, kan pynmih ia ki nongsynshar kiba tam shiphew ne khatsan shah ka jingsniew.”

La ong bun ki nongmihkhmat mynta ki pynlong kamkai ia ka ilekshon bad ki kren biria ha kino kino ki jingialang. Narkata ki paidbah ha kane ka kynti mynta kidei ban jied ia ki nongmihkhmat da kaba pynshong nongrim bha ym ban biej ia kino kino ki jingshah pynbiej kum ki blanket, ka pisa, ka kyiad, ne kiwei de.

La kyntu ia ki paidbah ba ha kane ka kynti, dei ban shim ia ka jingktkhlieh ban jied ia ki briew kiba la biang ka rynieng ryniot bad ban pynshong nongrim bha ia ki mat bad ka party aiu ban jied.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet