Shillong, Iaiong 12: Ka long kaba sngew pang met bad mynsiem ban ia lap khana shaphang ka jingsniew palat liam ka surok Nongstoin-Maweit haduh ba um lah mutdur shuh, sah lano kein ka sorkar Meghalaya kan sngap ia ka jingud jingnam ia ki jingeh, jingjynjar ki paid ka thain Maweit.
Da ka jingsngewkhia kaba haduh kata kata ia ka jingiehbein ka sorkar ia ka dong ka thain Maweit ha ki Liang baroh khamtam ha kaba ia dei bad ka jingsniew palat liam ka surok Nongstoin-Maweit ka “HYC Maweit circle” ka la shong kyrkieh ia ka Executive Meeting Mynta ka 12-04-2019 ha Dorbar Hall Maweit bad ka la shim ia ka rai kaba tyngeh ban pynsngew sha ka sorkar Maghalaya da kaba “Iaid Rally shah Thngan na Maweit shaduh Nongstoin” ha ka 27.04.19 Ong ka kyrwoh na ka Seng.
Kane ka rally kan sdang na Iew Maweit da kaba pynlong shuwa ia ka Meeting ha ka por 9:30AM ha kaba yn ioh ban pynsngew ia ki katto katne ki symboh jingkren na ki Rangbah shnong bad ki Riew paw khmat ka dong ka Thain bad hadien kata kan sdang ban iaid noh ha ka por 11:00AM Ong shuh ka kyrwoh na ka Seng.
U samla Jeremiia Dkhar uba long u president ka hyc Maweit circle lyngba kane ka kyrwoh mynta ka sngi u la pynpaw ia ka jingbymniaw ia kane ka jingleh klet bad ka jingleh meinah ka sorkar Meghalaya ia ka dong ka thain ha kaba u la bynrap shuh shuh ba ka la long kumba kane ka dong ka thain Maweit baroh kawei kam hap shuh ha u pud u Sam bad ha ka jingpeit jingkhmieh ka sorkar Meghalaya.
Ka Seng shen kan sah leit ban pynsngew ia kine ki jingeh jingjynjar ka dong ka thain ha kiba bun ki Liang khamtam ia ka jingsniew palat pud u surok sha u Symbud Myntri Rangbah u minister ba dei peit ia ka tnad PWD u bah Preston Tynsong,ban leit pynkynmaw biang ia ka sorkar Meghalaya ia ka juban ba ka la khlei ha khmat ki paidbah ka dong ka thain lyngba u Local MLA u Bah Gigur Myrthong ban wanrah syndon da ka two-line
Na ka liang jong ka HYC kala long ba Lada ka sorkar kam lah ban pynurlong u la kular ban Siang Rong na Nongstoin sha Maweit ha kaba ia ki jinglut in lut hi ma u hadien Lai bnai Lada u poi sha ka thong ia kane u la kular haba kren sha ki paid nongshnong ka thain Maweit ha ka por ba u lap election Ong shuh shuh ka kyrwoh.
Ka Seng kam kwah ban kynthoh iano iano ia mynta hynrei ka shuh pynkynmaw ia ki kyntien kiba la khlei sha ki paidbah nongshong shnong ha ka por ialap election, bad ynda ki paidbah ki la shah skhor pynban haduh mynta kam pat paw dak ei ei re kumba la kular ong shuh shuh ka kyrwoh
Ka HYC Maweit Circle da ka jingsngewkhia ia ka jingeh jingjynjar ka dong ka thain ka buh ruh ka jingkyrpad sha baroh ki paidbah nongshong shnong ka dong ka thain Maweit kum ka synjuk ki Rangbah shnong,ki sengbhalang,ki seng samla shnong,ki seng Longkmie ban iasnoh kti lang ha kane ka jingiaid Rally ka ban ialam da ka HYC Maweit Circle kum ka dak ka jingsngewkhia na ka bynta ka jingshah iehnoh bein ha ka sorkar ia ka dong ka thain Maweit baroh ka wei pynkut ka kyrwoh na ka Seng.
