Shillong, Nohprah 08: Ki pulit jong ka Sordar Police Station ha dien ba kila bat ia ki dkhot jong ka seng HYC bad rah sha Sardar Police station mynta ka sngi baroh shisngi mynta ka jan meit kila pynlait noh ia baroh da kaba phah soi ia ka bond kaba khlem da the kyndon ia ki bad leit buh biang ia ki sha ophis ka seng kaba don ha Mawlai Nongkwar.
Ki dkhot jong ka seng HYC namar ba ki bor jong ka District administration kim shym la ai lad ban shong shah thgnan ha Additional Secretariat mynta ka sngi kila leit ban shong ha khmat iing jong u myntri rangbah ka jylla u Dr Mukul Sangma kaba don ha Polo, hynrei hangne ruh kila shah rah noh ha ki pulit bad la rah ia ki sha sardar police station bad buh ia ki ha kane ka jaka.
Ha ka por jan miet kila rah ia kin a sardar police station sha Civil Hospital Shillong ban leit ban phah peit ia ka koit ka khiah ka jong ki sha ki Doctorbad na katei ka jaka kila wan rah biang ia ki sha Sardar Police station bad ha ka por hynniew duna kila phah soi ia ka Bond ia kaba la tip kum ka “Personal Bond” ha kaba yn shym la register case ia ki bad la leit rah biang ia ki sha ka ophis jong ka seng ha Mawlai Nongkwar mynta ka miet.
Na ka liang jong ki dkhot jong ka seng HYC kila rai ba kin dang iai beteng ia kane ka jingshah thngan ka jong ki ha katei ka jaka bad kin pynkut la shai ka sngi kumba kila rai ban pyndep ia ka jingshah thngan kaba lai sngi lynter. Ka jingkwah jong ka seng ka long ba ka sorkar ka dei ban ia kren hapoh iing dorbar ha kaba ia dei bad ka ILP ban iada na ka jingwan rung kyrthlep jong ki briew kiba na bar sha kane ka jylla bad kiwei dei ki mat jingdawa kaba kila buh ha khmat jong ka sorkar kiba don
