Shillong, Nohprah 16: Lah 77 snem mynta ba u Myllung Soso Tham u lah thiah jar hapoh “U Phlang Jyrngam”. Pynban, ki khun ka Ri Khasi kin ym lah ban klet satia ia ki sur ba bang bad ba shoh jingmut jong u watla ka ding kaba la rhem shisien ha ki skul, ki kolej bad university ka la i kumba kan lip noh na ki daw kiba, ngi ki long-mynta ngim lah satia ban tip.
Ki snem ba la leit ki la long ka jingkhyllie kitab biang ha khmat ki khun Khasi ia la u jong u Sangot uba la pyrta shla da u “Khulom nar bad ka khmut u Diamond” ban sneng ban puramit, maham-kyrham ia ngi kiba tang shi troh; ba ioh, ha ka jingkynoi jong ka ramia beh spah, ngi syntuid na kito ki hok – ki sot kiba la pruid dak da ka mynnor.
Ha ka sien kaba nyngkong, mynta ka snem, da ka jingkyrkhu – kyrdoh jong ka Kur Tham, ka kynhun kaba khot ialade kum “Ki Mawshamok”, ka la ioh ia ka lad ban pynpashait ding kum ka dak jong ka jingrakhe burom ia la u Pamen, u Kongbah da ka Sawangka lyngkot kaba ngi khot kyrteng “Na Shata Dar”. Ha i por iba lyngkot, ka kynhun ka la pyrshang ban leh bha katba lah ban sei ia iwei na ki mationg jong ka jingiaid lynti lyngba ki rynguh ki ryngang bad ba bniap jong u Myllung ha ka thoh ka tar jong U.
Kum shi bynta jong ka jingrakhe pyndon burom, ia kane ka sawangka yn pynialehkai hapdeng kiwei pat ki prokram ba lah pynkhreh da ka Department of Arts & Culture, Government of Meghalaya, ha ka por 2 – 4 baje, ka 18 tarik u Nohprah, 2017 ha Soso Tham Auditorium.
