Shillong, Jymmang 23: Ka jinglynga baroh kala kut mynta ka sngi ha kaba ia dei bad ka MP iIekshon na kane jylla Meghalaya ha kaba u Bah Vincent H Pala u la jop biang na ka 1-Shillong Parliamentary Constituency na ka seng Congress da kaba pynrem ia u Dr Jemino Mawthoh jong ka UDP da 1.5 lak vote.
Katba na 2-Tura Parliamentary Constituency ka Agatha K Sangma jong ka NPP kala jop da 63771 vote pyrshah ia u Dr Mukul Sangma myntri rangbah ba rim jong ka jylla bad u ba dei ruh u nongialam ka liang pyrshah hapoh ka iing dorbar thawain na ka seng Congress.
Ka jingpynbna ia ka jingjop ia u Bah Vincent na ka 1-Shillong Parliamentary Constituency kala long ha ka por 8.35 baje mynmeit, ka daw jong ka jingslem ka long na ka jingbym biang ki vote kiba la niew na ki VVPAT bad ka jingdon ha ka EVM ha ki ar tylli kin constituency ka Pynursla bad Nongkrem.
U Dr Mukul Sangma kyrtong jogn ka Congress u la ai khublei ia ka Agatha halor ka jingjop ka jong ia kane ka MP Election mynta bad u pdiang ia ka rai jong u paidbah.
