Shillong, Nohprah 18: Ka kong Elgiva Rynjah mynta ka sngi kala khaweh ia ka lama jong ka jingiaid “Christmas Carol” ka seng ki nongniah bike ia kaba la tip kum ka TULBA na State Central Library ban leit sha Sohra.
Ha ka jingkren lyngkot jong ka kong Elgiva Rynjah kala pynpaw ia ka jingsngewnguh ia ka seng kaba la lah ban pynlong ia kane ka jingiaid “Christmas Carol” ka jingthmu ban iarap ia ki khunswet kiba don ha Mawsmai.
Na ka liang jong ka seng Tulba kala pynlong ia kane ka jingiaid paidbah da ki bike ka long ban leit sha ka Borsing Syiem Children’s Home, ha Sohra kaba don ha Mawsmai. Ha kane ka sngi shuwa ban sdang iaka jingiaid paidbah la sdang da ka jingduwai.
Ki Bike baroh kiba la ia shim bynta ha kane ka sngi kila palat ia ka arspah tylli kiba la wan ban ia shim bynta ha kane ka jigniaid paidbah, tang ki dkhot jong ka Tulba kila long kumba 100 tylli ei ei, hynrei ha kane ka sngi la shah ruh ia ki bym dei ki dkhot jong ka seng ba kin ia snoh kti lang.
