Shillong, Lber 28: Ka seng Khasi Student Union( KSU) Central body hapoh ka jing ialam u Vice president ka seng kmie u samla Shemphanglang lyngdoh mawphlang ryngkat lang ki dkhot ka seng ki la leit ha ka ophis Custom bad ki la leit ban ia kynduh ia ka Commissioner Ka Bandhana Deori halor ka jingpynlong trei ha ka sngi Good Friday.
Na ka liang jong ka KSU ka la ia kren bad kane ka commissioner ha kaba na ka jing ia kren kaba mih u la ong ba na ka liang ka commissioner ka la ong ba ha ka sngi thohdieng kan ym long trei shuh.
Hynrei kat kum ka jingiathuh jong ki nongtrei, u la ong ba ka don ka hukum ban phah wan trei ha ka sngi thohdieng , hynrei na ka liang ka seng ka la ong ba na ka liang ka commissioner kan wan trei namar kan hap ban pyndep ia ki kam kiba sah , bad kumjuh ruh na ka liang ka seng ka la ong ba ka kam shi met jong ka te ym lah ban khang hynrei ia ki nongtrei ym dei ban phah wan trei .
Na ka liang ka seng ruh ka kyntu ba lada don kino kino ki ophis jong ka state goverment ne central goverment ne kino kino ki company ba kin sngewbha ban pyntip sha ka seng khnang ba ka seng kan iaid da kawei pat ka lynti ba kan leh ia kaba dei.
