Shillong, Naiwieng 24: Ka Dr L L Mawlai project
Direictor jong ka Meghalaya Aids Control Society kala ong ba ia ka jingtrei kam jong ka seng VHAM, ha Jowai bad Lad Rymbai la pyndam noh bad kane ka hukum la pynmih ha ka 21 tarik mynta u bnai.
La phah ruh da ka shithi sha DR J N Shullai Director Mihmyntdu Community Social welfare Association (MCSWA)ban shimti noh shipor ia ka jaka sumar ia kiba la ngap ha ka jingkyrni dih drugs kaba don ha Jowai bad Lad Rymbai.
Ha ka juh ka por na ka liang jong ka Project Direictor jong ka MACS kala bethah ban shim ia ki tatto katne ki nongtrei jong ka VHAM sha kane ka seng MCSWA namar ki nongtrei kiba don kila lah ban trei ia ka kam. Halor ka jingdawa ban pynneh biang ia ka VHAM kata ka shong ha kibor ba halor, la ong ka Dr Mawnai.
Ka daw kaba la pynlong ia ka ophis ba pynduh noh ia ka VHAM, ka long ba kala ai jingkhein bakla ia ka jingdon jong ki briew kiba dih dawai ban lait na ka jingkyrni dih drugs, bad kala don ruh ka jinglap ba kala don kata ka jingpyndon kam bakla ia ka pisa ha kaba ia dei bad ka jingthied ia ki thyrnia.
Haba la kylli hato ka ophis kan leh kumno ia kane ka kam na ka liang jong ka Project Director jong ka MACS ka ong ba kin dang hap ban ia pyrkhat, la kyntu ia baroh kito kiba dang don ha pdeng kane ka jingdih dawai kin leit noh sha katei ka jaka kaba ka MACS kala thung thymmai.
