SHillong, Jymmang 2: U symbut myntri rangbah ka jyl
la u bah Prestone Tynsong mynta ka sngi u la pynip ba ka sorkar kala shim ia ka rai ba naduh sngi nyngkong la shah ban iaid 25% ki kali kamai hapoh jong ka Nongbah Shillong bad Mylliem C&RD Block.
Da kane ka jingpynbna mynta ka sngi kato ka hukum kaba pynbna mynshuwa kala iap noh. Haba ia dei bad ki kali jong ki riew shimet ka sorkar kan pat shah ba kin iaid laitnoh tang kito ki kali kiba la ioh ia ki pass kali.
La iathuh ba ka sorkar kala shim ia ka rai ba naduh sngi nyngkong la shah ia ki jingtrei ha kaba ia dei bad ki jingtei hapoh ka nongbah Shillong bad ki jaka kiba hap hapoh jong ka Mylliem C&RD Block. Ki dukan die rong tin, die tin, die narrod, ki dukan die tiar light kila lah ban plie.
Haba ia dei bad ka Koprhiew hapoh ka nongbah Shillong ia kaba mynsngi la weng bad kan don noh tang ka koprhiew ha ka por miet kata naduh ka por 7.00 Pm mynmiet haduh ka por 7.00 Am mynstep.
U symbut myntri rangbah u la ong ba ki paidbah kin hap ban bud ia ki kyndon kiba la bthah da ka tnad ka koit ka khiah, la ong ba ka Deputy Commissioner jogn ka East Khasi Hills District kan sa pynmih ia ki kyndon wat la ka weng ia ka korphiew.
