Naduh u snem 2011 pat don kawei ka bill ruh ban ioh ia ka jingmynjur na u Lat: Jambor

Shillong, Naiwieng 09: U Executive Member jong ka KHADC u bah Jambor War ba dei peit ia ka tnad Elaka haba jubab ia ka jingkylli u bah Gabriel Wahlang halor ki hima ba la don ia ka ain bad ki bym pat don ain la iathuh ba ki Hima kiba la don ain ki don 19 tylli bad kiba khlem pat don ia ki ain ki don 35 tylli.

Haba pynshai shuh shuh ia kane u EM ba dei peit ia ka tnad la iathuh ba na ki 35 tylli ki hima, la don 11 tylli ki hima kiba ka iign dorbar kala pdiang ia ki bill hynrei ia kine baroh la pynphai biang ia ki sha KHADC da ka sorkar.

Haba jubab ia ka jingkylli bynrap bala wanrah da u nongialam ka liang pyrshah u bah PN Syiem, na ka liang jong u EM u la pynshai ba na ki 11 tylli ki bill, 8 tylli ki dei kiba la pynphai da u Lat ka jylla bad 3 tylli na ka tnad DCA.

Bah War la ong ba ka tnad Elaka kala thung ia ka “Special Committee on Elaka Affair” ban peit ia ki jingdon kam ka jingthmu jong kane ka long ban peit bniah ha kaba ia dei bad ki hima ban pynbeit ia ki bill kiba ka KHADC kala pynkhreh.

Haba ia dei bad ka jingpynphai ia ki bill jong ka KHADC na ka DCA, u bah PN Syiem u la buh ia ka jingkylli hapoh kano ka kyndon ain ne rule jong ka Sixth Schedule bala pynphai ia ki Bill, halor kane u EM u la jubab ba naduh u snem 2011 kam pat don kawei ruh ka Bill bala ioh ia ka jingmynjur jong u Lat ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet