Shillong, Naiwieng 13: Ha ka “Unstarred Questio” u myntri rangbah ka jylla u Conrad K Sangma haba jubab ia ka jingkylli jong u Lazarus Sangma, u la jubab ba naduh u snem 2018 ba la shimti kum u myntri rangbah ka jylla u la leit sha ki saw tylli ki ri jong ka pyrthei, ha ri France, ha ri Switzerland, ha ri United State of America bad ha ri Bangladesh.
Haba jubab ia ka jingkylli katno ngut ki briew baroh kiba la leit lang ha kitei ki saw tylli ki ri jong ka pyrthei ia kaba la pynlut da ka sorkar, u Myntri rangbah u la jubab ba baroh ki long 21 ngut, ha ri France san ngut, ha ri Switzerland khlem don ba leit lang, ha USA saw ngut bad ha Bangladesh khatarngut.
Haba ia dei bad ka jingkylli ba katno kine kiba leit kila shim ia ka bai leit jong ki kaba la tip kum ka TA, DA, u myntri rangbah u la jubab ba ia ka DA jong ki la khein katkum ki kyndon jong ka sorkar pdeng kata 100 US Dollar, ha France bad USA, katba ha Bangladesh ka long 60 US Dollars, katba ha Switzerland kam shym don.
Haba la khien ha ka pisa India tang ka TA ha ka jingleit sha ri France ka long T.39, 86,621/- tyngka, ha USA ka long T.15,51,724/- tyngka katba sha Bangladesh ka long T.14,50,000/- tyngka. Katba ha ka jingleit sha ri Switzerland kam shym don T.A.
